Apocalipsis 11:19 - Biblia Guarani Tumpa Iñee

¹⁹ Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Nuevo Testamento Guaraní Pe

¹⁹ Jare Tumpa jo oyepea oi ara pe jare oyecuaa Tumpa jo pe ita reta Tumpa oicuatía mboroócuai reta jese vae jɨru. Jare overa jare jɨapu ara. Jare oñeendu ñee reta. Jare ɨvɨ ocana. Jare oa jeta amandau.

Apocalipsis 11:19 ပူးပေါင်းရင်းမြစ်များ

SALMOS 105:32

Okɨ vaerägüe ombou chupe amandau, jare ama-tiriri opaete jókuae ɨvɨ re.

SALMOS 18:12

Jae jembipeasɨ overa iamapɨtu re; amandau jare tätapɨi jendɨ vae oë iamapɨtu güi.

ISAÍAS 28:2

YandeYa oime güɨnoi metei jëia yae vae, imbaepuere yae ɨvɨtuai amandau reve vae rami vae, okɨ rai vae mbae omboai vae rami vae, ɨporu rami vae, opaeteita mbae oitɨ oeya ɨvɨ pe rami vae,

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 32:19

yepe tëi amandau opa omboai kaa reta, jare tëta guasu opa oyemboai,

EZEQUIEL 13:11

Emombeu jókuae oguambɨ omotɨnɨe tuyuapoiño pe vae reta pe, jókuae oguambɨ osururuta ko; echa outa ama guasu, jare oata amandau ita rami jare ɨvɨtuai oyepeyu täta vae oitɨta.

EZEQUIEL 13:13

Jáeramo che peYa jae: Chearasɨ rupi ambouta ɨvɨtuai omboai vaerä jókuae oguambɨ; chearasɨ rupi ambouta ama guasu jare amandau ita rami vae omboai vaerä.

EZEQUIEL 38:22

Che aiporaraukata chupe reta mbaerasɨ ovakatu vae, manoɨvɨ, jare amongɨta jese jare isundaro reta re ama ɨvɨtuai reve, amandau, tata azufre ndive vae.

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:5

Teyupa oyereroyakavota yave, toyogüeru Aarón jare taɨ reta, jare topa toekɨ asoya o imboyaoa, jare toyasoi pɨpe käjou yemomaendúa pegua;

JOSUÉ 10:11

Jare otekuarai yogüɨraja ramboeve Israel iñemuña reta güi, Bet-horón güi yagüeyɨa pe, yandeYa oitɨ jese reta amandau tuichagüe jare oyuka jeta amorreo reta Israel iñemuña reta oyuka vae güi.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 12:1

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.

Apocalipsis 16:1

Jare aendu metei ñee tätagüe tupao güi jei jókuae chiu araɨgua reta pe: “Pekua pepɨyere ɨvɨ re jókuae chiu kopa Tumpa iyarasɨ güɨnoi vae reta.”

Apocalipsis 16:18

Jayave ama-vera reta, ñee reta, ararɨapu reta jare ɨvɨkana tätagüe; ɨvɨkana tuicha yae vae, mbaetɨi oyeapo jókuae nunga ɨvɨ pegua reta yogüɨreko güive.

Apocalipsis 16:21

Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”

Apocalipsis 4:5

Jare jókuae tenda güi oë ama-vera, ararɨapu jare ñee reta. Jare jókuae tenda jóvai chiu mechero jendɨ ñogüɨnoi, jae ko Espíritu Santo chiu jembiapo güɨnoi vae.

Apocalipsis 7:15

‘Jáeramo ñogüɨnoi Tumpa iguapɨa jóvai, jare oyeokuai reta Tumpa pe ara rupi jare pɨ̈tu rupi tupao pe. Mburuvicha iguapɨa pe oguapɨ vae oyangareko aveita jese reta.

Apocalipsis 8:5

Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re, jare oyeendu ararɨapu, ñee reta, ama-vera jare ɨvɨkana.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.