Apocalipsis 1:20 - Biblia Guarani Tumpa Iñee

²⁰ Taikuaauka ndeve mbae re ko oyembojaanga chiu yasɨtata reta chepo cheakatu pe reecha vae jare chiu mechero jenda oro pegua re: Chiu yasɨtata reta, jae ko jókuae chiu tëta reta pe oporogüɨrovia vae reta iaraɨgua reta; jókuae chiu mechero jenda reta reecha vae jae ko chiu tëta reta pe oporogüɨrovia vae reta.

Nuevo Testamento Guaraní Pe

²⁰ Taicuauca ndeve mbae re oñemojaanga siete yasɨtata chepo cheacatu pe reecha vae reta jare mbae re oñemojaanga siete vela iguapɨa oro pegua vae reta. Siete yasɨtata reta oñemojaanga siete araɨgua reta re. Jocuae siete araɨgua reta oyeócuai oporogüɨrovia vae jocuae siete tenta reta pe oñemboatɨatɨ vae reta pe. Jare siete vela iguapɨa reta oñemojaanga oporogüɨrovia vae jocuae siete tenta reta pe oñemboatɨatɨ vae reta re —jei—.

Apocalipsis 1:20 ပူးပေါင်းရင်းမြစ်များ

ÉXODO 25:37

Toyapo reta vi chupe chiu mechero. Kuae reta jendɨta omboesape vaerä jenonde kotɨ;

ÉXODO 37:23

Oyapo vi chupe oro oyeambae pegua chiu mechero, itenasa reta jare iñae raɨ raɨ.

ZACARÍAS 4:2

Jare jei cheve: “¿Mbae pa reecha?” Che jae chupe: “Mase, ko aecha metei mechero jenda oro katuai vae, güɨnoi iárambo asaite jɨru, jare chiu mechero jókuae jenda iárambo, metei ñavo güɨnoi asaite jape mechero peguarä.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Lucas 8:10

Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:16

Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

Apocalipsis 17:7

Jayave araɨgua jei cheve: “¿Maera pa nepɨakañɨ? Tamombeu ndeve yaikuaambae vae kuña regua, mbaemɨmba guasu kuña ou jese vae regua, jókuae chiu iñäka jare payandepo jäti.

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

Apocalipsis 2:12

Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei:

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:5

Jáeramo nemaendúa kërai tenonde yave cheraɨu ete. Eeya ndeyemongeta ikavimbae vae ndepɨa pe oï vae, jare eyapo ye mbaravɨkɨ reta tenonde yave reyapose vae. Echa mbaetɨ yave ayuta ɨmambae ndeve, aekɨta nemechero jenda oïa güi mbaetɨ reeya ndeyemongeta ikavimbae vae ndepɨa pe oï vae yave.

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 3:1

Eikuatía Sardis pegua oporogüɨrovia vae reta iaraɨgua pe: Chiu espíritu vae jare chiu yasɨtata reta güɨnoi vae jei: ‘Che aikuaa opaete reyapogüe reta, nerërakua reikove ko, ërei remano ko.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: