Apocalipsis 1:1 - Biblia Guarani Tumpa Iñee

¹ Jesucristo oechauka Tumpa omee chupe vae, oikuaauka vaerä jembiokuai reta pe ɨmambae oasata vae. Jesucristo ombou iaraɨgua omombeu vaerä che jembiokuai Juan pe;

Nuevo Testamento Guaraní Pe

¹ Che co jae Juan. Che co jae Jesucristo jembiócuai. Tumpa oicuauca Jesucristo pe ɨmambae oyeapota vae. Jare Jesucristo ombou araɨgua oyeócuai chupe vae omombeu vaera cheve, che amombeu-yoapɨ ye vaera Jesucristo jembiócuai reta pe.

Apocalipsis 1:1 ပူးပေါင်းရင်းမြစ်များ

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

DANIEL 8:16

jare aendu metei kuimbae iñee ɨ̈aka Ulai jee vae jembeɨ kotɨ güi, jei: ‘Gabriel, nemiari kuae kuimbae pe oecha vae re.’

DANIEL 9:21

Che ayerure aï ramboeve, araɨgua Gabriel, tenonde yave oyekuaa cheve vae, jarembae pegua oveve ou oväe che aïa pe. Kaaru yave Tumpa pe mɨmba oyuka oñemee vae iorata ma yave.

DANIEL 9:23

Remboɨpɨ reyerure rupive Tumpa oendu, jare chembou aikuaauka vaerä ndeve, echa jae nderaɨu yae. Añave eyeapɨsaka kavi, reikuaa kavi vaerä kuae reecha vae regua:

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

San Juan 12:49

Echa mbaetɨ chemiari cheyeugüi aeño, cheRu chembou vae ko cheokuai mbae jae vaerä jare kërai chemiari vaerä.

San Juan 15:15

Ngaraa ma tembiokuai reta jae peve, echa tembiokuai mbaetɨ oikuaa mbae ko iya oyapo vae. Ërei che jae ma peve pe reta ko jae chevɨa-ïru. Echa opaete cheRu omombeu cheve vae aikuaauka ma peve.

San Juan 17:8

Echa che amombeu ma chupe reta ñee nde remee cheve vae, jare jae reta güɨrovia neñee. Oikuaa kavi che ayu ko ndegüi. Güɨrovia reta ma nde ko chembou vae.

San Juan 3:32

Jae omoërakua oecha jare oendu vae, ërei mbaetɨ kia güɨrovia jae omoërakua vae re.

San Juan 8:26

Jeta mbaembae re chepuere chemiari peré jare jeta mbae re chepuere pojäa. Ërei chembou vae añetete ko; jare amombeu ɨvɨ pegua reta pe chembou vae omombeu cheve vae.

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

Gálatas 1:12

Echa mbaetɨ amboresive ani aikuaa kia nunga kuimbae güi, jaeño Jesucristo oechauka cheve.

Efesios 3:3

Echa Tumpa oechauka cheve vae rupi oikuaauka yaikuaa rapembae vae, tenonde ma aikuatía peve rami.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

Apocalipsis 1:19

Eikuatía opaete mbaembae reecha vae regua, añave pegua jare oikota kuri vae.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 17:1

Jayave jókuae chiu araɨgua reta chiu kopa güɨnoi vae reta güi metei ou jei cheve: “Eyu kuae pe. Aechaukata ndeve kërai oñejäauka jókuae kuña iyaguasa pota vae ɨ reta re oguapɨ oï vae.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.

Apocalipsis 21:9

Jayave jókuae chiu araɨgua reta chiu kopa chiu mbaesusere taɨkuegua tɨnɨe güɨnoi vae güi metei ou chekotɨ jare jei cheve: “Eyu kuae pe, taechauka ndeve Vecha kuimbae taɨrusu vae imenda ïrurä vae.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:6

Jare araɨgua jei cheve: “Kuae ñee reta jupi jare añete ko. Jare yandeYa Tumpa etei oikuaauka ñeemombeúa reta pe. Jae ombou iaraɨgua oechauka vaerä jembiokuai reta pe ɨmambae mbaembae oasata vae.”

Apocalipsis 22:8

Che Juan aendu jare aecha kuae mbaembae. Jare aendu jare aecha güire ayetavatɨka chetindɨasɨ jókuae araɨgua oechauka mbaembae cheve vae jóvai amboete vaerä.

Apocalipsis 22:9

Ërei jae jei cheve: “Agüɨye chemboete. Che Tumpa pe, nerëtara ñeemombeúa reta jare oyapo kuae tembikuatía jei vae reta ayeokuai vae vi ko pe. Emboete Tumpa.”

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”

Apocalipsis 5:7

Jare jókuae Vecha kuimbae taɨrusu vae ou jare oipɨɨ tembikuatía tenda pe oguapɨ oï vae ipo iyakatu kotɨ güi.