AMÓS 9:9 - Biblia Guarani Tumpa Iñee

⁹ Echa che opata amoai moai Israel iñemuña reta, opaete vae tëtaguasu ipɨte rupi, trigo jäɨ oyembogua ürupe pe yave mbaetɨ oa jäɨ ɨvɨ pe rami.

AMÓS 9:9 ပူးပေါင်းရင်းမြစ်များ

ISAÍAS 27:12

Jókuae ara yandeYa opovɨvɨ eteita ɨ̈aka Éufrates güive Egipto iɨ̈aka pe, kia oyevɨka trigo re rami; jökorai, pe Israel iñemuña reta peyemboatɨta metei metei rupi.

ISAÍAS 30:28

ipɨ̈túe ko, ou oväe ɨ yave oyepɨyere rami, ɨ yandeayu rupi yanderé rami, outa opa omboai tëtaguasu reta mbae nunga jiero pegua pe, oñonota kayurupegua opaete vae reta iyuru pe, ombojopa vaerä.

JEREMÍAS 31:36

“Ërei metei ara oikomegua yave kuae mborookuai añono cherembiapo reta re vae, jókuae ara güive Israel iñemuña reta, ngaraa ma yogüɨreko tëtaguasu chembaerä jekuae avei pegua. Che peYa ko jae kuae.

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

JEREMÍAS 49:36

Aruta ɨvɨtu kuae tëta Elam re, opaete ɨvɨ jembeɨ kotɨ güi, opa vaerä amoai moai oipota rupi, opaetei tëtaguasu reta rupi oimeta otekuaraigüe.

EZEQUIEL 20:38

Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.

EZEQUIEL 36:19

Opa amoai moai reta tëtaguasu reta rupi, ïru ɨvɨ rupi; aiporarauka chupe reta jeko ikavimbae jare jembiapo reta ikavimbae oï rupi.

EZEQUIEL 39:28

Chekuaa retata che ko jae iYa Tumpa vae, echa amondo reta tembipɨɨrä tëtaguasu reta rupi, jare aru reta ye iɨvɨ ae pe yave, aeyambae reve metei ave jokoropi.

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.