AMÓS 9:14 - Biblia Guarani Tumpa Iñee

¹⁴ Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

AMÓS 9:14 ပူးပေါင်းရင်းမြစ်များ

SALMOS 107:37

Omaetɨ reta kó pe, oñotɨ reta uva, jare jeta imbaagüɨye reta.

SALMOS 53:6

¡Mbae mona ɨvɨtɨ Sión güi ou yemborɨ Israel pe! Tumpa güeru ye yave imbae vae reta, ovɨakatu yaeta Jacob, oyerovia yaeta Israel.

ISAÍAS 60:4

Jerusalén, emopüa neäka jare emae ndeɨ́vɨri: Opaete vae oyomboatɨ jare yogüeru ndekotɨ. Nemembɨ reta yogüeruta mombɨrɨ güi; jare güeruta iyɨva re nememɨkuña reta.

ISAÍAS 61:4

Oñemopüa pɨau yeta arakae ma oyemboaigüe reta, ɨma yae ma o reta opa oyemboai vae oñemopüata, tëta guasu oyemboai vae oyeapo kavita.

ISAÍAS 65:21

Oyapo retata o, jare joko pe yogüɨreko retata; oñotɨ retata uva jare jou retata iagüe.

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

JEREMÍAS 16:15

Jaeño pereta: ‘YandeYa jee re, Israel iñemuña reta güɨnoe ɨvɨtuguasu kotɨgua ɨvɨ güi vae, jare opaete ɨvɨ rupi omoai moaia kotɨ güi vae’. Che pogüeru yeta peɨvɨ pe, kuae ɨvɨ che amee peñemuñagüe reta pe vae pe.”

JEREMÍAS 23:8

Jaeño jei retata: ‘YandeYa oikove avei vae jee re Israel iñemuña reta güɨnoe ɨvɨtuguasu kotɨgua ɨvɨ güi vae jare opaete ïru tëtaguasu reta rupi jae opa omoai moaia kotɨ güi vae.’ Jare yogüɨreko retata iɨvɨ ae pe.”

JEREMÍAS 24:6

Ayangarekota jese reta, jare aru yeta kuae ɨvɨ pe. Amopüa reta yeta jare ngaraa ma amboai ye, añono retata jenda pe jare ngaraa ma anoe ye.

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 30:18

YandeYa jei: “Aru yeta tembipɨɨ güi Jacob iñemuña reta, aiparareko yeta iɨvɨ; omopüa pɨau yeta tëta guasu oyemboaigüe, jare mburuvicha guasu jo, jendagüe pe.

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 31:23

YandeYa Imbaepuere yae ete vae Israel iTumpa jei: “Aru ye ma Judá pegua reta tembipɨɨ güi iɨvɨ pe, jare yogüɨreko ye ma pɨpe yave, jei retata kuae ñee: ‘¡YandeYa tiporerekua kuae ɨvɨtɨ oñeñono tee jare jupigüe oyeapo pɨpe vae re!’

JEREMÍAS 31:28

Aïndaivi aapomondoro vaerä jare ambosururu vaerä; ambojopa vaerä jare amokañɨ vaerä; jare ambopɨatɨtɨ vaerä: Jökorai vi aïndaivi amopüa ye vaerä jare ambopɨau ye vaerä.

JEREMÍAS 31:5

Renoi yeta uvarupa, ɨvɨtɨ reta Samaria pegua rupi, uva oñotɨ vae, oyekou yaeta iagüe re.

JEREMÍAS 32:15

Echa, yandeYa Imbaepuere yae ete vae Israel iTumpa jei: Kuae ɨvɨ pe pegua yeta kuri peyeupe o, ɨvɨ jare uvarupa.’

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

JEREMÍAS 33:7

Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

EZEQUIEL 16:53

Che amee yeta Sodoma jare Samaria pe, oï kavi ye vaerä, jare opaete tëta raɨ reta iyɨ́vɨri ñogüɨnoi vae pe; jare ndeve amee yeta vi reï kavi ye vaerä,

EZEQUIEL 28:26

Joko pe yogüɨreko pɨagüiveta, oyapo retata jorä, güɨnoi retata uvarupa, yogüɨreko kavita. Che ajäa yave iyɨvɨrigua tëta reta omotareɨ Israel iñemuña reta vae. Jayave opaete vae oikuaata che ko jae peYa Israel iTumpa vae.”

EZEQUIEL 37:21

Jare ere chupe reta: ‘YandeYa Tumpa jei körai: Mase, anoeta Israel iñemuña reta ïru tëtaguasu reta ipɨte güi jae reta ñogüɨnoia güi, amboatɨ retata oipota rupi güi, aru reta yeta iɨvɨ ae pe.

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

SOFONÍAS 1:13

Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.