AMÓS 9:13 - Biblia Guarani Tumpa Iñee

¹³ YandeYa jei: “¡Mase! Outa oväe metei ara, oimeño vɨteri mbaarɨvo ramboeve, oväe yeta ma ɨvɨ oyeara vaerä, jare uva ndeiño opa oñetɨami ramboeve oväe yeta ma maetɨ iara; jare ɨvɨtɨ rupi jeta yaeta oñemuña uva.

AMÓS 9:13 ပူးပေါင်းရင်းမြစ်များ

GÉNESIS 49:11

Imburika kuimbae taɨrusu oñapɨti uva iyɨpɨ re vae, mburika mii imembɨ, jemimonde oputuka vino pe vae, jare iñeapevaka uva tɨgüegüe pe.

SALMOS 97:5

Ɨvɨtɨ guasu reta tɨkui iraitɨ rami yandeYa jóvai, kuae ɨvɨ iya jóvai.

ISAÍAS 16:10

Yerovia jare sapúkai yerovia pegua opata, ko kavi rupi; mbaetɨta ma oime sapúkai yerovia pegua, jare tairari uvarupa rupi, mbaetɨta ma oime uva oitɨami vae oñetɨamía rupi, mbaetɨta ma isapúkai oyeendu jokoropi.

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

EZEQUIEL 28:26

Joko pe yogüɨreko pɨagüiveta, oyapo retata jorä, güɨnoi retata uvarupa, yogüɨreko kavita. Che ajäa yave iyɨvɨrigua tëta reta omotareɨ Israel iñemuña reta vae. Jayave opaete vae oikuaata che ko jae peYa Israel iTumpa vae.”

EZEQUIEL 36:35

Jei retata: Kuae ɨvɨ ipombae oikose vae, añave oyeapo kó raɨ Edén pegua rami; tëta guasu reta oyemboai jendagüeño opɨta vae, añave oñemopüa pɨau ye jare yogüɨreko ye ma pɨpe vae.

JOEL 2:24

Trigo jɨru reta tɨnɨeta, jare uva iñetɨamía reta tɨnɨeasɨta vino pe jare olivo iasaite pe.

JOEL 3:18

Ɨvɨtɨ rupi jeta yaeta oñemuña uva, ɨvɨtɨ guasu rupi jeta yaeta neche jare Judá pe oimeta ɨ ïaka ñavo; yandeYa jo güi oëta ɨesaɨ, jókuae omoäkɨta Sitim, ɨvɨtɨ päu ipe kavi vae.

JOEL 3:20

Che ayepɨta jekombae imano re; mbaetɨta cheïro jeko vae pe. Ërei Judá oimeta ipo jekuae avei pegua, jare Jerusalén jae nunga vi. Jare che aikota ɨvɨtɨ Sión pe.

LEVÍTICO 26:5

jare pearɨvogüe oupitɨta uva yagüɨye, jare uva yagüɨyegüe oupitɨ yeta maetɨ iara, jare peuta perembíu perɨ̈vɨata regua, jare peiko kavita pekɨɨyembae reve peɨvɨ pe.

AMÓS 9:5

Tumpa, yandeYa Imbaepuere yae ete vae opoko ɨvɨ re yave, ɨvɨ tɨkui, jare oyaeo opaete pɨpegua reta; ¡tuichata ɨ ɨ̈aka pe rami, jare jagüeta ɨ̈aka Egipto pegua rami!

San Juan 4:35

Pe reta pere: “Oata vɨteri irundɨ yasɨ mbaarɨvo vaerä.” Ërei che jae peve: Pemopüa peäka pemae kó reta re. Mboroyu ma oï oyepoo vaerä.

JUECES 5:5

CheYa Tumpa, nderóvai okana ɨvɨtɨ guasu reta; ɨvɨtɨ Sinaí okana Israel iTumpa jóvai.