AMÓS 8:3 - Biblia Guarani Tumpa Iñee

³ Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

AMÓS 8:3 ပူးပေါင်းရင်းမြစ်များ

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

JEREMÍAS 22:18

YandeYa jei Joacim Josías taɨ, mburuvicha guasu Judá pegua regua: “Ngaraa kia oäpiro imano. Ngaraa kia reta oyaeo jare jei: ‘¡Atataɨ, cherëtara! ¡Atataɨ, chereindɨ!’ ‘¡Atataɨ, cheya! ¡Atataɨ, cheruvicha!’

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

JOEL 1:11

Pepɨatɨtɨ maetɨ regua reta; peräse uva iya reta; peyaeo trigo re jare cebada re, echa temitɨ opa okañɨtei ko rupi.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:5

¡Osavaɨpogüe reta, pepa jare peyaeo! ¡Peräse peyaeo, opaete vino iua reta, peyaeo uva tɨgüegüe re, echa oñepïro pegüi!

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

AMÓS 5:16

Jáeramo, körai jei yandeYa Tumpa Imbaepuere yae ete vae: “Tëta ñavo oka guasu pe oimeta yaeo, jare oka ñavo rupi jäseta mbae jasɨ güi. Jare ko pe oparavɨkɨ vae reta peenɨita oyaeo, jare yaeo regua reta peenɨita oyaeo vaerä.

AMÓS 5:23

¡Pembosɨrɨ chegüi petairari reta! ¡Ngaraa etei aendu peve peremimbɨ reta iñee!

AMÓS 6:4

Peke tupa oñemopöra kavi elefante jäimbukugüe pe vae pe, jare peyapakua perupa pe; peu vecha taɨrusu vae japicha reta ipɨte güi jare toro taɨrusu oyemongɨragüe reta güi;

AMÓS 6:5

peyemongoi mimbɨ iyavei, jare peyapo mimbɨ ambuaeyee vae, David rami;

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

NAHUM 3:3

¡Kavayu regua reta oporepeña! ¡Kɨsepuku jembipe, mii overa! ¡Jetagüe ipere, jetagüe omano! ¡Jeta yeyé tëogüe! ¡Tëogüe re ipɨ̈sa yeyuka vae!

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!