AMÓS 8:14 - Biblia Guarani Tumpa Iñee

¹⁴ Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

AMÓS 8:14 ပူးပေါင်းရင်းမြစ်များ

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 16:24

Omri ogua Semer güi ɨvɨtɨ Samaria, sesenta y seis kilo korepoti re, jare omopüa joko pe tëta guasu oñekëse kavi vae jare ombojee Samaria, echa jókuae ɨvɨtɨ iyagüe jee Semer.

2 REYES 10:29

Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

SALMOS 140:10

Toa jese reta tätapɨi jendɨ vae, toyemombouka reta tata pe, ɨvɨkua guasu pe, mbaetɨta ma oë vae güi.

SALMOS 36:12

¡Mase, opa oa ikavimbae iyapoa reta, oyeitɨuka jare ngaraa ye opüa reta!

PROVERBIOS 24:16

echa jupi vae, yepe tëi ogüɨapi mbovɨ ye, opüa yeta ko; ërei iyoa vae, oata susere pe.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 24:20

Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 43:17

omondo jeta vae sundaro reta peraɨkue, ikavayu reve reve jare ikäretou ñeraro pegua reve reve vae. Ërei opa ogüɨapi reta, mbaetɨ ye ipuere opüa reta; opa ogüe reta, mechero imecha opa ókai rami.

JEREMÍAS 25:27

Jaɨkue rupi yandeYa jei cheve: “Ere chupe reta che peYa Imbaepuere yae ete vae, Israel iTumpa ayókuai oɨu reta vaerä jese, oyembosavaɨpo regua, ogüëe jare togüɨapi, opüa yembae vaerä, ñeraro ambouta chupe vae jeko pegua.

JEREMÍAS 51:64

jare ere: ‘Köraita Babilonia ojo ɨ́vɨkotɨ, jare ngaraa ye ma opüa yandeYa ombouta omboai vae güi.’ ” Kuae pe Jeremías iñee reta iyapɨ.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 13:16

Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

AMÓS 5:1

Israel iñemuña reta; peendu kuae ñee mbɨatɨtɨ pegua amondo pekotɨ vae.

AMÓS 5:2

Israel tëta ikavigüe oa, ngaraa ye ma opüa; ogüɨapi jare mbaetɨ kia omopüa vaerä.

AMÓS 5:5

Agüɨye pekua Bet-el kotɨ ani Gilgal kotɨ, agüɨye pekua Beerseba kotɨ, echa Gilgal oyererajaukata ɨvɨ ambuae pe tembipɨɨrä jare Bet-el opata oyemboai.”

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

Hechos 18:25

Kuae kuimbae oyemboe ma yandeYa jemimbota re. Jäta ngatu, imiari jare oporomboe jaekavi yandeYa re. Ërei jaeño oikuaa Juan iporombobautisa regua.

Hechos 19:23

Jókuae ara reta pe oï tekorai Tape pɨau kotɨ.

Hechos 19:9

Ërei amogüe ipɨatäta jare mbaetɨ oipota güɨrovia, jei reta ñee ikavimbae vae tëta guasu pegua reta jovake Tape pɨau kotɨ. Jayave Pablo ojo chugüi reta, jare güɨraja jae ndive oporogüɨrovia vae reta, jare oyoaka ara ñavo Tiranno jee vae oporomboea pe.

Hechos 24:14

Ërei kuae amombeu ndeve. Che aguata Tape pɨau pe, ayeokuai cheñemuñagüe reta iTumpa pe, judío reta ombojee mboromboe añetembae pe vae. Arovia reve opaete mborookuai pe oyekuatía oï vae, jare ñeemombeúa reta oikuatiagüe.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.

DEUTERONOMIO 33:11

Ndeporerekua cheYa Tumpa oyapo retata vae re, jare eipɨɨ ndepɨakatu reve chugüi jembiapo reta; eikupe rakɨo chupe jovaicho reta, jare vi imotareɨa reta, agüɨye vaerä opüa reta.”

DEUTERONOMIO 9:21

jare aipɨɨ toro taɨrusu iä peyapo peyoa vaerä jese vae, jare aapɨ tata pe, ayoso ikuiasɨ regua, javoi amombo jókuae ikuigüe, ɨ osɨrɨ ɨvɨtɨ kotɨ güi ou vae pe.