AMÓS 7:8 - Biblia Guarani Tumpa Iñee

⁸ Jayave yandeYa oparandu cheve: —¿Mbae pa reecha reï? Che jae chupe: —¡O iyapoa iplomada! Jare yandeYa jei: —Ko añonota plomada o iyapoa imbae, ajäa vaerä tëta chembae vae Israel iñemuña reta. Mbaetɨ yeta ma aropɨa chupe reta.

AMÓS 7:8 ပူးပေါင်းရင်းမြစ်များ

2 REYES 21:13

Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.

ISAÍAS 28:17

Jókuae o re aiporuta jupi vae, plomada rami, jare sɨmbi vae, nivel rami.” Amandau opata omboai jókuae apu, peeka peñepɨ̈ro jese vae, jare peñemi pɨpe vae, ɨ opata omboai pegüi.

ISAÍAS 34:11

Güɨratï jare mɨmba küi jee vae oñemoëtata joko pe, chucha jare suinda oyapota jaitɨrä joko pe. YandeYa omboai kuae tëtaguasu, oeyata ñuurä jare ɨvɨ ipombae vaerä.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

LAMENTACIONES 2:8

YandeYa jei opa vaerä ombosururu tëta guasu Sión ikësea. Ombojaanga ma opa vaerä ombosururu, mbaetɨ etei oputuu opa ombosururu regua. Tëta guasu ikësea reta oyokupe vae, jae opa oñono mbɨatɨtɨ pe, opa osururu metei rami.

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

AMÓS 7:7

Kuae vi oechauka ye cheve yandeYa: YandeYa oï metei tëta guasu ikësea sɨmbi plomada pe oyeapo vae re, jare güɨnoi ipo pe metei plomada o iyapoa imbae.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

ZACARÍAS 4:2

Jare jei cheve: “¿Mbae pa reecha?” Che jae chupe: “Mase, ko aecha metei mechero jenda oro katuai vae, güɨnoi iárambo asaite jɨru, jare chiu mechero jókuae jenda iárambo, metei ñavo güɨnoi asaite jape mechero peguarä.

ZACARÍAS 5:2

Jare araɨgua jei cheve: “¿Mbae pa reecha?” Jare che jae chupe: “Aecha metei tembikuatía oñemama vae oveve; güɨnoi chau metro ipukugüe jare ipɨgüe irundɨ metro y medio.”