AMÓS 7:17 - Biblia Guarani Tumpa Iñee

¹⁷ Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

AMÓS 7:17 ပူးပေါင်းရင်းမြစ်များ

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

ISAÍAS 13:16

Jovake reta etei imichia reta oyererokuaukata ɨvɨ re; jo güi opata oñerenoe mbaembae, jare jembireko ñavo re oyuvangata chugüi reta vae.

ISAÍAS 22:18

jare ndembotokororota metei ita yapúa vae rami, ndemombota matɨ ɨvɨ ipɨguasu vae kotɨ. Joko pe remanota, jokotɨ opata oyereraja nekäretou reta ipöra yae vae reta, echa, nde ñemomarai ko nderuvicha guasu jo pe.

JEREMÍAS 14:16

Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 28:12

Mbovɨ ara rupi, Hananías oekɨ jare opa omopë mopë güire Jeremías güi yuvo iyayu re güɨnoi vae, yandeYa jei Jeremías pe körai:

JEREMÍAS 28:16

Jáeramo, yandeYa jei: “Romokañɨteita kuae ɨvɨ iárambo güi. Kuae año remanota, echa neñee jeko pegua opaete vae reta oyembopɨapochɨ chekotɨ.”

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 29:25

“YandeYa Imbaepuere yae ete vae Israel iTumpa jei: ‘Nde rembou tupapire nderee re opaete vae pe Jerusalén pe yogüɨreko vae pe, jare sacerdote Sofonías, Maasías taɨ pe, jare ïru sacerdote reta pe. Jókuae tupapire pe oyekuatía ñee vae jei Sofonías pe:

LAMENTACIONES 5:11

Oyuvanga reta kuña reta re Sión pe, Judá pegua tëta guasu reta rupi oyuvanga kuñatai reta re.

EZEQUIEL 4:13

Jare yandeYa jei: “Jókuae nunga tembíu ikɨa vae ko, Israel iñemuña reta jouta, ïru tëtaguasu reta rupi, che amombo retata vae rupi.”

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

AMÓS 6:7

Jáeramo, añave peota tenonde ete, tembipɨɨrä yogüɨraja vae reta jenonde, outa oväe mbɨatɨtɨ oyerovia katu vae reta pe.

AMÓS 7:11

Echa Amós jei: ‘Jeroboam omanota kɨsepuku pe, jare Israel pegua reta oyererajaukata tembipɨɨrä kuae ɨvɨ güi.’ ”

AMÓS 8:1

Körai oechauka cheve yandeYa Tumpa: YandeYa Tumpa oechauka cheve metei kanata tɨnɨe oï pɨpe temitɨ ia yagüɨyegüe.

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

AMÓS 9:8

YandeYa omae oï kuae tëta pegua iyoa vae reta re, jare jei: “Amboaita ɨvɨ iárambo güi, ërei mbaetɨta opaetei amboai Jacob iñemuña reta.

MIQUEAS 1:16

Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

ZACARÍAS 14:2

Echa che amboatɨta opaete tëtaguasu reta oñeraro vaerä Jerusalén ndive jare opɨ̈rota tëta, omboaita o reta, jare kuña reta re oyuvangata: Jare tëta mbɨte rupi oyererajata tembipɨɨrä, jaeño mbovɨ opɨtata.