AMÓS 7:1 - Biblia Guarani Tumpa Iñee

¹ Körai oechauka cheve yandeYa Tumpa: Oyapo oï tuku, omboɨpɨ ramo okuakuaa taɨkuegua ete temitɨ yave, kuae ko mbaarɨvo mburuvicha guasu peguarä opa oyeapo güire.

AMÓS 7:1 ပူးပေါင်းရင်းမြစ်များ

ISAÍAS 33:4

jovaicho reta tuku jeta vae rami oporepeña jese reta, opaetei imbaeyekou oitɨvɨro chugüi reta, taso okaru vae rami.

JEREMÍAS 24:1

Nabucodonosor mburuvicha guasu Babilonia pegua güɨraja güire Jeconías mburuvicha guasu Judá pegua, Joacim taɨ, jare mburuvicha reta Judá pegua ndive, ipoki mbae oyapo vae reta jare jiero pegua mbaravɨkɨ iyapoa reta Jerusalén pegua, yandeYa oechauka cheve mókoi kanata ɨva, yandeYa itupao jóvai.

EZEQUIEL 11:25

Jare chemiari opaete tembipɨɨ reta pe, opaete jókuae yandeYa oechauka cheve vae re.

JOEL 1:4

Tasoa oeyagüe jou tuku raɨ, tuku raɨ oeyagüe jou tuku oveve pota ma vae, tuku oveve pota ma vae oeyagüe jou tuku tuichagüe reta.

JOEL 2:25

Amboekoviata peve jókuae año reta rupi, taso jare tuku reta opa jou pegüi vae, jókuae chesundaro jetagüe ambou pekotɨ vae.

AMÓS 4:9

“Ambou peve ɨvɨtuakuvo jare taso, tuku opa jou pegüi peko raɨ reta ipo, jare peuva reta, ɨva reta jare olivo reta, ¡ërei mbaetɨi peyerova ye chekotɨ!” Jei yandeYa.

AMÓS 7:4

YandeYa Tumpa oechauka cheve körai: YandeYa Tumpa oporoenɨi oporojäa vaerä tata rupi; jókuae tata opa omondɨpa ɨguasu jare jeta ñana opa oapɨ.

AMÓS 7:7

Kuae vi oechauka ye cheve yandeYa: YandeYa oï metei tëta guasu ikësea sɨmbi plomada pe oyeapo vae re, jare güɨnoi ipo pe metei plomada o iyapoa imbae.

AMÓS 8:1

Körai oechauka cheve yandeYa Tumpa: YandeYa Tumpa oechauka cheve metei kanata tɨnɨe oï pɨpe temitɨ ia yagüɨyegüe.

ZACARÍAS 1:20

YandeYa oechauka ye cheve irundɨ ipoki ɨvɨra pegua mbaravɨkɨ oyapo vae.

MALAQUÍAS 3:11

“Jare temitɨ güɨrokomegua vae reta opata ambosɨrɨ pegüi, jare ngaraa ma güɨrokomegua pegüi peremitɨ ia, jare mbaetɨta ma peuva iambae.” Jei yandeYa Imbaepuere yae ete vae.