AMÓS 6:4 - Biblia Guarani Tumpa Iñee

⁴ Peke tupa oñemopöra kavi elefante jäimbukugüe pe vae pe, jare peyapakua perupa pe; peu vecha taɨrusu vae japicha reta ipɨte güi jare toro taɨrusu oyemongɨragüe reta güi;

AMÓS 6:4 ပူးပေါင်းရင်းမြစ်များ

GÉNESIS 37:25

Jare oguapɨ reta okaru. Ërei omopüa reta iñäka yave, oecha reta jeta Ismael iñemuña reta yogüeru ɨvɨ Galaad kotɨ güi vae, jare icamello reta re güeru mbae ikäti kavi vae, ɨvɨra yaɨsɨ bálsamo jare mirra, güɨraja reta vaerä Egipto kotɨ.

ESTER 1:6

oka omopöra kavi oikëse tïi, jovɨ jare jovɨasɨ vae pe, tɨmasa lino pegua pɨ̈ta vae re oësɨvo moäka-vera korepoti pegua vae rupi jare omoata jɨsɨ ita mármol jee vae re; jare tenda reta oro pegua jare korepoti pegua katuai, joka re oñono vi ita ipöragüe: Pórfido jee vae, mármol jee vae, alabastro jee vae jare jacinto jee vae.

SALMOS 73:7

Ikɨra yae güi jesäɨ oë potaecha, oasa ete ye güɨnoi ipɨa jemimbotaño.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

JEREMÍAS 16:8

Jökoraiño vi agüɨye eike o pe aretea pe, reguapɨ vaerä rekaru jare reu vino jae reta ndive.

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 23:41

javoi oguapɨ reta metei tupa kavi pe, jare mesa pe oñono reta ikäti kavi vae incienso jare olivo iasaite oñeñono tee cheve vae.

AMÓS 3:12

YandeYa jei körai: “Mɨmba iyangarekoa opɨ̈ro yaguapope iyuru güi jɨmba ipɨgüe ani inambi iyapɨgüe, jökoraita otekuarai Israel iñemuña reta, Samaria pe oguapɨ vae reta, tupa kavi Damascoɨgua re oke vae reta.”

AMÓS 8:3

Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.