AMÓS 6:14 - Biblia Guarani Tumpa Iñee

¹⁴ Mase, Israel iñemuña reta, yandeYa Tumpa Imbaepuere yae ete vae jei: “Amopüata pekotɨ metei tëtaguasu oiporarauka peve vaerä, Hamat pe yaikea güive ɨvɨ Arabá kotɨ.”

AMÓS 6:14 ပူးပေါင်းရင်းမြစ်များ

1 REYES 8:65

Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.

2 REYES 14:25

Jeroboam opɨ̈ro ye ɨvɨ Israel jembeɨ reta, ɨvɨ Hamat pe yaikea güive ojo oväe regua ɨguasu Arabá pegua pe, yandeYa Israel iTumpa jei rami, omoërakua jembiokuai Jonás, Amitai taɨ rupi vae, ñeemombeúa Gat-hefer pegua.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

ISAÍAS 7:20

Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

EZEQUIEL 47:20

Ɨvɨ jembeɨ kuaraɨ oikea kotɨgua, Ɨguasu Mediterráneo jee vae oïta ɨvɨ jembeɨrä, Hamat jóvai ojo oväe regua. Kuae ko jae ɨvɨ jembeɨ kuaraɨ oikea kotɨgua.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

AMÓS 3:11

Jáeramo, yandeYa Tumpa jei körai: “Outa tovaicho neova, opata oitɨ nekësea reta, jare mburuvicha guasu jo kavi reta güi opata mbae güɨnoe.”