AMÓS 6:13 - Biblia Guarani Tumpa Iñee

¹³ Pe reta peyeroviaiño ma ko, pere yave: ¡Yandembaepuere rupi ko ñanoi kuae! Mbaeä etei ko.

AMÓS 6:13 ပူးပေါင်းရင်းမြစ်များ

2 REYES 13:25

Jayave Joás, Joacaz taɨ opɨ̈ro ye Ben-adad, Hazael taɨ güi tëta guasu reta ñeraro pe opɨ̈ro tu Joacaz güi vae. Joás omoamɨri mboapɨ ye Ben-adad, jare opɨ̈ro ye tëta guasu reta ɨvɨ Israel pegua.

2 REYES 14:25

Jeroboam opɨ̈ro ye ɨvɨ Israel jembeɨ reta, ɨvɨ Hamat pe yaikea güive ojo oväe regua ɨguasu Arabá pegua pe, yandeYa Israel iTumpa jei rami, omoërakua jembiokuai Jonás, Amitai taɨ rupi vae, ñeemombeúa Gat-hefer pegua.

JOB 31:25

Mbaetɨi jae cheyeupe: “Tayemboikokatu yae, ani tanoi jeta korepoti.”

JOB 31:29

Mbaetɨi ayóyai cherovaicho osusere oï yave, ani ayerovia ikavimbae pe oï yave.

JOB 8:14

Oyerovia tëi jese vae, okañɨ vae ko, güɨrovia katu vae ñanutirapaa ramiño ko.

JOB 8:15

Jókuae jo re oyeko tëita, ërei ngaraa omomara chupe, iïcha re oyepɨɨ tëi yave osota chupe.

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

SALMOS 75:4

Yarakuaambae reta pe jae: “Agüɨye peyemboarakuaambae.” Jare iyoa reta pe jae: “Agüɨye peyembotuicha.”

SALMOS 75:5

“Agüɨye peyembotuicha pembaepuere re, agüɨye pemiari pepɨarai reve.”

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ISAÍAS 7:1

Acaz, Jotam taɨ, Uzías jɨmɨmino oiko mburuvicha guasurä Judá pe yave, Rezín mburuvicha guasu Siria pegua jare Peka mburuvicha guasu Israel pegua, jae ko Remalías taɨ, yogüeru oporepeña Jerusalén re, ërei mbaetɨ ipuere reta opɨ̈ro.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

ISAÍAS 8:6

“Kuae tëta güɨröɨro ma ɨ Siloé pegua, jókuae ɨ mbegüe kavi oguata vae, echa oyerovia reta ramo Rezín re jare Remalías taɨ re,

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

EZEQUIEL 29:9

Ɨvɨ Egipto opɨtata ipombae, jare chekuaa retata che ko jae Tumpa vae. Echa rere: Ɨ̈aka Nilo chembae ko, che ko ayapo cheyeupe.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

DANIEL 4:30

jei: “¿Jaeä pa kuae Babilonia guasu che ayapo chembaepuere rupi vae? ¿Ayapoä pa ko mburuvicha reta jëtarä, jare cheporookuaía imboetea yae vaerä?”

JONÁS 4:6

Jare yandeYa Tumpa omojeñɨiuka metei andai, kuae okuakuaa Jonás iküaraɨa iárambo, omoküaraɨa vaerä, jökorai omboasa vaerä iyarasɨ chugüi; jare Jonás oyerovia yae jókuae andai rokɨ re.

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

ZACARÍAS 1:19

Jare jae araɨgua imiari che ndive vae pe: “¿Mbae pa kuae reta? jare jae jei: ‘Kuae ko jae guakaräti reta Judá, Israel jare Jerusalén opa omoai moai vae.’ ”

San Juan 16:20

Añetete che jae peve, peyaeota jare pepɨatɨtɨta, ërei ɨvɨ pegua reta oyeroviata. Yepe tëi pepɨatɨtɨta, ërei pepɨatɨtɨ reta oyepoepɨta yerovia katu pe.

Santiago 4:16

Ërei ngatu jökorai pere vaerägüe, peyemboete pepɨarai reño. Opaete jókuae nunga yemboete, ikavimbae ko.

Apocalipsis 11:10

Jare ɨvɨ pegua reta oyeroviata jókuae mókoi kuimbae jëogüegüe re. Oyapo retata arete jare omondota oyoupe mbota reta. Echa ndei omano mbove, jókuae mókoi ñeemombeúa reta oiporarauka yae ɨvɨ pegua reta pe.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.

1 SAMUEL 4:5

Jare yandeYa ikäjou morogüɨrökuavee päve pegua güeru güɨroväe teyupa pe yave, Israel iñemuña reta osapúkai täta oyerovia güi, omokana etei reta ɨvɨ isapúkai pe.