AMÓS 6:10 - Biblia Guarani Tumpa Iñee

¹⁰ Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”

AMÓS 6:10 ပူးပေါင်းရင်းမြစ်များ

2 REYES 23:16

Josías oyerova ye yave, oecha tɨvɨa reta ɨvɨtɨ re, jare omondo güɨnoeuka maekägüe reta joko pe oï vae, jare oapɨ mɨmba oyeyuka oyeapɨ jese vae re omongɨa vaerä Tumpa jóvai. Jökorai oyembopo yandeYa jei iñeemombeúa rupi vae.

2 REYES 6:33

Jare Eliseo imiari oï jókuae tenondegua reta ndive ramboeve, jókuae ñee jerúa ou oväe Eliseo pɨri, jare jei: —Mase, kuae ikavimbae ombou yandeve yandeYa, ¿mbae yemborɨ pa aärota chugüi?

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

AMÓS 5:13

Jáeramo, yarakuaa katu vae, jökorai yave kïriiño, echa ara mbaetɨ ikavi.

AMÓS 8:3

Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

NÚMEROS 17:12

Jayave Israel iñemuña reta jei Moisés pe: “¡Opaeteita ndipo romano! ¡Ngaraa ndipo rojoyepe!

1 SAMUEL 31:12

opaete kuimbae reta jëia vae opüa jare iköe oguata reta jókuae pɨ̈tu, jare ombogüeyɨ reta tëta guasu Bet-sán ikësea güi Saúl jare taɨ reta jetegüe; güeru reta oapɨ Jabes pe.