AMÓS 6:1 - Biblia Guarani Tumpa Iñee

¹ ¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

AMÓS 6:1 ပူးပေါင်းရင်းမြစ်များ

1 REYES 16:24

Omri ogua Semer güi ɨvɨtɨ Samaria, sesenta y seis kilo korepoti re, jare omopüa joko pe tëta guasu oñekëse kavi vae jare ombojee Samaria, echa jókuae ɨvɨtɨ iyagüe jee Semer.

SALMOS 123:4

¡Orembogüérai ma oikokatu vae reta imbaeyuvanga, jare ipɨayemboete vae reta iporogüɨröɨro!

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

JEREMÍAS 48:11

Tëta Moab oyeapo ramo güive oiko pɨagüive, mbaetɨi oyereraja tembipɨɨrä ïkotɨa. Jae ko, vino oguapɨ kavi jɨru pe vae mbaetɨi oyekuavo jɨru güi ïru jɨru pe vae rami, jáeramo mbaetɨ okañɨ chugüi jëe ngatu vae.

JEREMÍAS 49:31

Che, Tumpa ko ayókuai: ¡Pepüa, peporepeña jókuae tëtaguasu oiko pɨagüive jare oyerovia iyé vae re, jöke reta ave mbaetɨ jare imotätaa, jare jaeño etei oiko!

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

AMÓS 9:10

Ërei omanota opaete iyoa vae reta, tëta chembae vae pegua reta; ‘Ngaraa yanderupitɨ ikavimbae’, jei vae reta.”

MIQUEAS 3:1

Peyeapɨsaka añave, Israel iñemuña juvicha reta: Pe ko peï tëi, peikuaa vaerä jupi vae.

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.

1 Pedro 5:7

Peeya Tumpa pe opaete peyemoambeko jese vae, echa jae oyangareko oï peré.

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.