AMÓS 5:8 - Biblia Guarani Tumpa Iñee

^8-9 Peeka yasɨtata yatɨ yatɨ Pléyades jare Orión jee vae iyapoa, jae ko oyapo ara jare pɨ̈tu; jae ko oenɨi ɨ ɨguasu güi, jare opɨyere ɨvɨ iárambo; jae omee mɨ̈rata ipɨ̈rata vae güi omaepɨ̈ro vae pe, jare ombou omaepɨ̈ro vae tëta ipɨ̈rata yae vae re. Jae ko jee yandeYa.

AMÓS 5:8 ပူးပေါင်းရင်းမြစ်များ

JOB 12:22

Jae oikuaauka yaikuaa rapembae vae, güɨnoe tembipe pe yavai yae vae.

JOB 37:13

Opaete kuae reta rupi Tumpa oiporarauka ɨvɨ pe, ani oechauka vaerä ipɨakavi.

JOB 38:34

¿Ndepuere pa reyókuai amapɨtu reta, güɨnoi vaerä jeta ɨ?

JOB 9:9

Jae ko oyapo yasɨtata reta yatɨ tee tee ñogüɨnoi vae: Osa jee vae, Orión jare Pléyades jee vae reta, jare arayevɨ kotɨ yasɨtata reta ñogüɨnoi vae.

SALMOS 104:20

Rembou pɨtumimbi, pɨ̈tu vaerä, jayave oë oguata mɨmba kaa rupigua reta.

SALMOS 105:28

Ombou pɨtumimbi, opaetei oyembopɨtumimbi vaerä Egipto pe, ërei mbaetɨ oendu reta chupe.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 59:10

Yapovɨvɨ yaguata jesambae rami, ñanepɨ̈sa yeyuka ara pe, pɨ̈tu yave rami; yaiko pɨtumimbía pe, tëogüe reta rami.

JEREMÍAS 16:21

“Jáeramo, metei jeia pe opaete rupi amboyekuaata chembaepuere; jökorai oikuaa retata cheree jae ko peYa Tumpa.

JEREMÍAS 33:2

“Che ndeYa, ɨvɨ iyapoa, ayapo jare añono kavi jenda pe vae, jae ndeve:

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

AMÓS 8:9

“¡Jókuae ara! Jei yandeYa Tumpa: Amoingeta kuaraɨ ara mbɨte peño, ara jembipe katu oï reve ambopɨtumimbita.

AMÓS 9:6

YandeYa oñono jo ara pe jare ara oasavi vae ɨvɨ iárambo; jae ko omboatɨ ɨ reta ɨguasu pegua, jare opɨyere ɨvɨ iárambo. Jae ko jee yandeYa.

San Mateo 4:16

Pɨtumimbi pe yogüɨrekose vae reta oecha ma tembipe tuicha yae vae. Mano ipo pe yogüɨrekose vae reta re tembipe oesape.”

San Lucas 1:79

omoembɨpe vaerä pɨtumimbi rupi jare ñamano rape katu vae rupi yogüɨreko vae reta pe, Jae yandemborɨ vaerä yaguata tape mbɨakatu pegua rupi.”