AMÓS 5:27 - Biblia Guarani Tumpa Iñee

²⁷ Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 5:27 ပူးပေါင်းရင်းမြစ်များ

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

JEREMÍAS 38:17

Jayave Jeremías jei Sedequías pe: —YandeYa Imbaepuere yae ete vae, Israel iTumpa, jei: “Reñemee jupiveiño mburuvicha guasu Babilonia pegua iyɨvɨrigua mburuvicha reta pe yave nde jare ndero pegua reta oikoveñota jare kuae tëta guasu ngaraa opa oyeapɨ.

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

AMÓS 5:26

Jaeño perajase petumpa-raanga reta Moloc jare Quiún jo, jókuae petumpa-raanga reta iä peyapo peyeupe vae.

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

AMÓS 6:7

Jáeramo, añave peota tenonde ete, tembipɨɨrä yogüɨraja vae reta jenonde, outa oväe mbɨatɨtɨ oyerovia katu vae reta pe.

Hechos 7:43

Jökoraiä ko. Peraja ko tumpa-raanga Moloc jee vae oiko pɨpe vae, jare petumpa-raanga Renfán iyasɨtata. Jae reta iä peyapo peyeupe pemboete vaerä. Jáeramo che pomondota Babilonia kutɨ.”