AMÓS 5:18 - Biblia Guarani Tumpa Iñee

¹⁸ ¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

AMÓS 5:18 ပူးပေါင်းရင်းမြစ်များ

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 17:15

Opaete vae reta jei cheve: “¿Kërai pa jókuae yandeYa iñee remoërakua vae? ¡Toyembopo mo añave voi!”

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

EZEQUIEL 12:22

“Nde kuimbae, ¿mbae pa oipota jei Israel iñemuña reta jei yave: ‘Jeta ma oasa ara reta jare mbaetɨño oyembopo ñeemombeúa reta oechagüe re omoërakua vae’?

EZEQUIEL 12:27

“Nde kuimbae, Israel iñemuña reta jei, reechagüe remombeu vae, ɨma pe oyembopo vaerä ko.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 2:10

Kuae oporepeña vae reta güi orɨrɨi tëta ipo reta, ara okana, kuaraɨ jare yasɨ ogüe, yasɨtata reta jäve jendɨ.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

2 Pedro 3:4

jei retata: “¿Kërai pa Cristo ou yeta vae regua? Echa ñaneñemuñagüe reta omano güive opaete mbaembae oyovakeño oï ɨvɨ Tumpa oyapo güive.”