AMÓS 5:14 - Biblia Guarani Tumpa Iñee

¹⁴ Peeka ikavi vae peikove vaerä, agüɨye peeka ikavimbae, echa jayave yandeYa Tumpa Imbaepuere yae ete vae oïta pe ndive, pe pere rami.

AMÓS 5:14 ပူးပေါင်းရင်းမြစ်များ

GÉNESIS 39:23

Jökorai jókuae mburuvicha mbaetɨ ma oyemoambeko jókuae tembipɨɨ reta ñogüɨnoi José ipo pe vae re, echa yandeYa oï José ndive, jare opaete jae oyapo vae, yandeYa etei omborɨ jese.

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 97:10

Pe reta, yandeYa peaɨu vae reta, peröɨro ikavimbae; jae oyangareko chupe oñeñono tee vae reta re; jae oepɨ iyoa vae reta ipo güi.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

PROVERBIOS 11:27

Ikavi vaeño oeka vae, oväe ikavi vae; ërei ikavimbaeño oeka vae, oväeta ikavimbae iyeupe.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

AMÓS 3:3

¿Oguata päveta pa mókoi kuimbae reta, mbaetɨ reve yogüɨreko kavi?

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

SOFONÍAS 2:3

Peeka yandeYa, opaete ipɨa omomichi vae reta, iporookuai oyapo vae reta. Peyapo jupi vae jare peñemomichi, jayave, güɨramoi peñeñovatuta yandeYa iporojäa iara pe.

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”