AMÓS 5:11 - Biblia Guarani Tumpa Iñee

¹¹ Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

AMÓS 5:11 ပူးပေါင်းရင်းမြစ်များ

JOB 20:19

Ipogüɨrai oeya paravete vae reta, opɨ̈ro o mbaetɨ jae omopüa vae.

ISAÍAS 16:10

Yerovia jare sapúkai yerovia pegua opata, ko kavi rupi; mbaetɨta ma oime sapúkai yerovia pegua, jare tairari uvarupa rupi, mbaetɨta ma oime uva oitɨami vae oñetɨamía rupi, mbaetɨta ma isapúkai oyeendu jokoropi.

EZEQUIEL 26:12

Opɨ̈rota ndegüi ndembaeyekou reta, opɨ̈rota ndegüi mbaembae remee vae, nekësea reta ombosururuta, ndero reta ipöra vae omboai retata; jare opata omombo reta ɨguasu pe ndeita reta, ndeɨvɨra reta, jare ndero ikuigüe ave.

EZEQUIEL 34:21

Echa pemoaña jare peikutu vecha ipɨtu vae reta, jökorai pembotekuarai reta jare opa pemoai moai.

OSEAS 9:2

Israel pegua reta mbaetɨta güɨnoi trigo jare vino; uva tɨɨgüe ipɨau mbaetɨta oupitɨ chupe reta.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

AMÓS 2:6

YandeYa jei körai: “Israel iñemuña reta iyoa yae jeko pegua, mbaetɨta cheɨ̈ro chupe reta; echa jupi vae omee reta korepoti re, jare paravete vae omee reta pɨapaa re.

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 3:15

Opata amboai o kavi reta iroɨ pegua, jare o kavi araku pegua; o reta oñemopöra kavi elefante jäimbukugüe pe vae opata amokañɨtei; opata oyemboai opaete joko pe o kavi reta.” Jei yandeYa.

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 6:11

Echa yandeYa ko jei oyemboai vaerä o tuicha vae jare o michi vae.

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

AMÓS 8:4

Peendu, oñemomichi vae reta re peyuvanga vae reta jare paravete vae reta re peyuvanga vae reta,

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

MIQUEAS 1:6

Jáeramo yandeYa jei: “Opaeteita amboai mboai tëta Samaria, uvaruparäño ikavita; opata amoai chugüi ita reta ɨvɨtɨ päu rupi, tëta iguapɨa opata oyemboyekuaa chugüi.

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

SOFONÍAS 1:13

Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

HAGEO 1:6

Pemaetɨ jeta, ërei mbovɨ yae pemboɨru; pekaru, ërei mbaetɨ perɨ̈vɨata; peɨu, ërei mbaetɨ peɨuve omboasa; peyemonde, ërei mbaetɨ pemboaku katu; jare ara ñavo oparavɨkɨ omongana vaerä vae omboresive korepoti yave, oñono ivosiko osoro vae pe rami.

MALAQUÍAS 1:4

Edom iñemuña reta jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”

DEUTERONOMIO 28:30

Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?