AMÓS 5:1 - Biblia Guarani Tumpa Iñee

¹ Israel iñemuña reta; peendu kuae ñee mbɨatɨtɨ pegua amondo pekotɨ vae.

AMÓS 5:1 ပူးပေါင်းရင်းမြစ်များ

JEREMÍAS 18:13

Jáeramo yandeYa jei körai: “Peparandu tëtaguasu reta rupi, oime ra kia oendu kuae nunga vae: ¡Israel pegua reta oyapo ikavimbae yae vae!

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:17

YandeYa Imbaepuere yae ete vae jei: “¡Peekauka kuña yaeo regua reta, jare toyogüeru!”

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:9

Kuae jeko pegua ¿amaeñota ra jese reta? Metei tëtaguasu kuae nunga oyapo yave, ¿mbaetɨ ra jupi aiporarauka vaerä chupe jeko? Che ndeYa jae kuae.

EZEQUIEL 19:1

Nde, Ezequiel etairari tairari mbɨatɨtɨ pegua mburuvicha guasu reta Israel pegua re, ere:

EZEQUIEL 19:14

Iyɨpɨ güi oë tata, opa oapɨ jäka jare ia reta, mbaetɨ etei opɨta jäka ipoguasugüe mburuvicha guasu reta ipo peguarä.’ ” Jae kuae tairari yaeo pegua, jare yaeo peguarä toyeporu.

EZEQUIEL 26:17

Otairari retata nderé tairari mbɨatɨtɨ pegua, körai: ‘¡Maera pa ko rekañɨtei! ¡Maera pa ko rekañɨ ɨguasu güi, tëtaguasu jërakua yae vae! ¡Nerëta pegua reta ndive ndembaepuere yae ɨguasu pe, okɨɨye yepi ndegüi opaete ndeɨ́vɨri rupigua reta!

EZEQUIEL 27:2

“Nde kuimbae, etairari kuae tairari mano pegua pe Tiro re;

EZEQUIEL 28:12

“Nde kuimbae, etairari tairari mbɨatɨtɨ pegua mburuvicha guasu Tiro pegua re, ere chupe: ‘CheYa Tumpa jei körai: Nde opaete pe ikavi yae yepi vae, ndearakuaa katu jare nepöra yae yepi.

EZEQUIEL 32:16

Jae kuae tairari mano pegua, körai totairari kuña reta ïru tëtaguasu pegua, Egipto re jare pɨpegua reta re. Che Tumpa jae kuae.”

EZEQUIEL 32:2

“Nde kuimbae, etairari kuae tairari mano pegua pe Faraón mburuvicha guasu Egipto pegua re körai: ‘Nde reï yaguapope rami tëtaguasu reta pe; mbaeporou päicha guasu ɨguasu rupigua rami, remondɨpa neɨ̈aka, repɨ̈ro ɨ jembeɨ rupi, rembojuúmbai ndepɨ pe.’

AMÓS 3:1

Israel iñemuña reta, peendu kuae ñee yandeYa jei pekotɨ vae, ɨvɨ Egipto güi güɨnoegüe reta kotɨ, jei körai:

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 5:16

Jáeramo, körai jei yandeYa Tumpa Imbaepuere yae ete vae: “Tëta ñavo oka guasu pe oimeta yaeo, jare oka ñavo rupi jäseta mbae jasɨ güi. Jare ko pe oparavɨkɨ vae reta peenɨita oyaeo, jare yaeo regua reta peenɨita oyaeo vaerä.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

MIQUEAS 2:4

Jókuae ara rupi oyeapota ñeerä peregua, jare oyapo retata tairari mbɨatɨtɨ pegua, jei reta reve: ‘Opaetei yayemboaiuka; Tumpa oipoepɨ yandeɨvɨ, ¡kërai opɨ̈ro yandegüi yandeɨvɨ! Omee jare omboyao ïru vae reta pe.’ ”