AMÓS 4:7 - Biblia Guarani Tumpa Iñee

⁷ “Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

AMÓS 4:7 ပူးပေါင်းရင်းမြစ်များ

ÉXODO 10:22

Jare Moisés omopüa ipo ara kotɨ, jare ou pɨtumimbi yeyé vae mboapɨ ara rupi, opaete ɨvɨ Egipto rupi.

ÉXODO 10:23

Mbaetɨ kia ave ipuere oecha japicha, jare mbaetɨ kia ave oë oïa güi mboapɨ ara rupi; ërei opaete Israel iñemuña reta güɨnoi tembipe jo rupi.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

ÉXODO 9:26

Jaeño ete ɨvɨ Gosén pe, Israel iñemuña reta yogüɨrekoa pe mbaetɨ oa amandau.

ÉXODO 9:4

Jare che amboyaota Israel iñemuña reta jɨmba Egiptoɨgua reta jɨmba güi; jökorai mbaetɨta omano Israel iñemuña reta jɨmba.’ ”

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 14:3

Oikokatu vae reta omondo jembiokuai reta oeka ɨ; yogüɨraja ɨupa pe oväe yave, mbaetɨ oväe reta ɨ, oyerova reta ye iɨrɨru reta ipombaeño; imara yae reta, mbaetɨ oikuaa reta mbae jei vaerä, iñäkatindɨ reta imara güi.

JEREMÍAS 14:4

Ko pe oparavɨkɨ vae reta mbaetɨ oikuaa mbae oyapo vaerä, ɨvɨ otini yae oï, echa mbaetɨ okɨ, oñeañɨka-yoko reta ipɨatɨtɨ yae güi.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

ZACARÍAS 14:17

Jare kia nunga tëta guasu güi mbaetɨ oyeupi Jerusalén kotɨ omboete vaerä Mburuvicha guasu, yandeYa Imbaepuere yae ete vae yave, ngaraa okɨ chupe reta.

San Juan 4:35

Pe reta pere: “Oata vɨteri irundɨ yasɨ mbaarɨvo vaerä.” Ërei che jae peve: Pemopüa peäka pemae kó reta re. Mboroyu ma oï oyepoo vaerä.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

DEUTERONOMIO 11:17

Echa yandeYa iyarasɨta pekotɨ, jare oyopiata ama ara güi agüɨye vaerä oime mbaagüɨye ɨvɨ pe, jare opa pekañɨtei ɨvɨ kavi yandeYa omee peve vae güi.

Santiago 5:17

Elías ko metei kuimbae yande rami vae, ërei jae oyerure opaete ipɨa reve agüɨye vaerä okɨ yave, mbaetɨ etei okɨ mboapɨ año jare ova yasɨ.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.