AMÓS 4:6 - Biblia Guarani Tumpa Iñee

⁶ “Che ko mbaetɨ amee peve tembíu opaete perëta guasu ñavo, jare mbaetɨ tembíu opaete perëta ñavo rupi; ¡ërei mbaetɨ peyerova chekotɨ!” Jei yandeYa.

AMÓS 4:6 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 18:2

Jare Elías ojo oyeechauka Acab pe. Karuai jeiete yae tëta Samaria pe.

2 REYES 4:38

Eliseo oyerova ye Gilgal kotɨ, jókuae ɨvɨ pe karuai yae; ñeemombeúa reta yatɨ ñogüɨnoi Eliseo re yave, jei jembiokuai pe: “Eñono yapepo tuicha vae tata pe, jare eyapo tembíu täta kavi vae, ñeemombeúa reta peguarä.”

2 REYES 8:1

Eliseo imiari jókuae kuña, jae ombogüera ye imembɨ chupe vae pe, jei chupe ojo vaerä oiko jo pegua reta ndive ïru ɨvɨ pe; echa yandeYa omoërakua oime vaerä karuai jókuae ɨvɨ pe chiu año.

2 CRÓNICAS 28:22

Yepe tëi yemoambeko pe güɨnoi vae, jae jeieteño iyoa yandeYa kotɨ,

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 3:1

¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 16:27

Jáeramo, aiporarauka ndeve, apɨ̈ro ndegüi nderembíu, jare romee nemotareɨ vae filisteo reta ipo pe, jae reta güɨnoti ndereko ikavimbae vae.

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

JOEL 1:16

Yanderovakei opa okañɨtei tembíu, opa yerovia jare mbɨakatu yandeYa jo pe.

LEVÍTICO 26:23

Ërei kuaekuae reve mbaetɨ yave peñeñono kavi, jare jekuaeño peyovaicho che ndive yave,

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

HAGEO 2:17

Che ko opa amboai ɨvɨtuakuvo pe, taso oya ramogüe pe, amandau pe opaete peparavɨkɨ reta; ërei jeseve mbaetɨ peyerova chekotɨ, jei yandeYa.

DEUTERONOMIO 28:38

Peñotɨ tëita jeta temitɨ, ërei mbovɨ yae pearɨvota, echa tuku opata jou.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.

RUT 1:1

Arakae mburuvicha oporoepɨ vae reta yogüɨreko yave, oiko karuai jókuae ɨvɨ pe, jare metei kuimbae tëta Belén pe oiko vae ɨvɨ Judá pe, ojo oñemoëta ɨvɨ Moab pe jembireko ndive jare mókoi taɨ reta.