AMÓS 4:3 - Biblia Guarani Tumpa Iñee

³ Peyoaɨkue yoaɨkueta peë ovapetea oyekagüe rupi, jare opata perenoe pemombo mburuvicha guasu jo kavi güi ɨvɨtɨ Hermón kotɨ.” Jei yandeYa.

AMÓS 4:3 ပူးပေါင်းရင်းမြစ်များ

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 31:7

Echa, opaete pe reta metei ara pemombo petumpa-raanga reta korepoti pegua ani oro pegua, peyapo peyeupe vae jare peyemboyoa pɨpe vae yave,

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

EZEQUIEL 12:12

Juvicha jae reta ndive oï vae, ovoɨta ivoɨta iyatiɨ re jare oëta jeseve oguambɨ tëta ikësea oyemombu vae rupi jäve jäve ma yave; oñovata jova agüɨye vaerä oecha jókuae ɨvɨ.

EZEQUIEL 12:5

Jare emombu tëta ikësea jovapetea opaete vae jovake, jare jokoropi eë ndembaembae reta reve.

AMÓS 6:7

Jáeramo, añave peota tenonde ete, tembipɨɨrä yogüɨraja vae reta jenonde, outa oväe mbɨatɨtɨ oyerovia katu vae reta pe.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

JUECES 5:17

Galaad opɨta ɨ̈aka Jordán jovaicho pe; Dan iñemuña reta opɨta barco reta oimea pe, jare Aser iñemuña opɨta ɨguasu jembeɨ pe, jare mbaetɨ omɨi barco reta oë oua güi,