AMÓS 4:13 - Biblia Guarani Tumpa Iñee

¹³ Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

AMÓS 4:13 ပူးပေါင်းရင်းမြစ်များ

JOB 9:7

Jae ko oyókuai kuaraɨ agüɨye vaerä oë; jare yasɨtata reta agüɨye vaerä omboesape.

SALMOS 135:7

Omboyeupi amapɨtu reta ɨvɨ iyapɨ kotɨ güi, oyapo ama-vera, okɨ vaerä, güɨnoe ɨvɨtu, oñeovatúa güi.

SALMOS 139:2

nde reikuaa kavi opaete ayapogüe, mombɨrɨ güi nde reikuaa cheyemongeta.

SALMOS 147:18

Ombou iñee yave tɨkui, ɨvɨtu ombou yave oipeyu, jare ɨ oë chugüi.

SALMOS 65:6

Nde ko ɨvɨtɨ guasu reta reñono jenda rupi ndembaepuere pe,

ÉXODO 10:22

Jare Moisés omopüa ipo ara kotɨ, jare ou pɨtumimbi yeyé vae mboapɨ ara rupi, opaete ɨvɨ Egipto rupi.

ÉXODO 14:20

jare oñeñono Egiptoɨgua reta jare Israel iñemuña reta ipäu pe; Egiptoɨgua reta pe amapɨtu ombopɨtumimbi, ërei Israel iñemuña reta pe omboesape pɨ̈tu yave; jáeramo jókuae pɨ̈tu Egiptoɨgua reta mbaetɨ ipuere oupitɨ Israel iñemuña reta.

ISAÍAS 40:12

¿Kia pa ojäa ipo mbɨte pe ɨguasu, ani ojäa ipoäka pe ara reta, jare mboapɨ ipoäka pe omboatɨ ɨvɨkúi ɨvɨ pegua, jare ojäa mbaejäaka pe ɨvɨtɨ guasu reta jare ɨvɨtɨ reta?

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

ISAÍAS 47:4

OreReepɨ vae, Tumpa Iyoambae Israel pegua, jae ko jee oreYa Imbaepuere yae ete vae. Jae jei körai:

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

JEREMÍAS 10:13

Iñee rupi jɨapu ɨ ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu, oñovatúa güi.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 46:18

Cheyé aeño arökuavee, jei Mburuvicha guasu yandeYa Imbaepuere yae ete, jee vae. Ɨvɨtɨ guasu Tabor tuicha yae ïru ɨvɨtɨ reta güi rami, jare ɨvɨtɨ guasu Carmelo ɨvate ɨguasu güi rami, jökorai jókuae tovaicho outa vae.

JEREMÍAS 51:16

Iñee rupi jɨapu ɨ jetagüe ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu oñeovatúa güi.

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:30

Jare Tumpa oechauka cheve kuae yaikuaambae vae, mbaetɨ ko chearakuaa yae ïru reta güi jeko pegua; jaeño ko nde mburuvicha guasu pe oikuaauka vaerä mbae ko oipota jei ndepaɨu vae, reikuaa vaerä reyemongeta yae jese vae.

OSEAS 12:6

Israel pegua reta, peyerova ye peTumpa kotɨ; peyapo peporoaɨu avei reve jare jupi rupi, jare peyeko avei Tumpa reño.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

AMÓS 3:13

YandeYa Tumpa Imbaepuere yae ete vae jei: “Peendu jare pemiari Jacob iñemuña reta kotɨ,

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 5:8

Peeka yasɨtata yatɨ yatɨ Pléyades jare Orión jee vae iyapoa, jae ko oyapo ara jare pɨ̈tu; jae ko oenɨi ɨ ɨguasu güi, jare opɨyere ɨvɨ iárambo; jae omee mɨ̈rata ipɨ̈rata vae güi omaepɨ̈ro vae pe, jare ombou omaepɨ̈ro vae tëta ipɨ̈rata yae vae re. Jae ko jee yandeYa.

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

AMÓS 8:9

“¡Jókuae ara! Jei yandeYa Tumpa: Amoingeta kuaraɨ ara mbɨte peño, ara jembipe katu oï reve ambopɨtumimbita.

AMÓS 9:6

YandeYa oñono jo ara pe jare ara oasavi vae ɨvɨ iárambo; jae ko omboatɨ ɨ reta ɨguasu pegua, jare opɨyere ɨvɨ iárambo. Jae ko jee yandeYa.

MIQUEAS 1:3

Echa, yandeYa oëta jae oikoa güi, jare ogüeyɨta ɨvɨtɨ guasu reta iárambo rupi.

HABACUC 3:19

Echa cheYa Tumpa omee cheve mɨ̈rata chetɨma isɨrɨkɨ vaerä guasukaka rami jare chereraja ɨvatea pe aasayepe vaerä.

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

San Mateo 9:4

Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

San Juan 3:8

Ɨvɨtu oyepeyu oipota rupi güi jare reendu jɨapu. Ërei mbaetɨ reikuaa ketɨ güi ra ou jare ketɨ ra ojo vae. Jökorai ko oa Espíritu Santo rupi vae.

DEUTERONOMIO 32:13

Güɨroyeupi ɨvɨtɨ rupi, omee jou reta ɨvɨra ñana rupigua ia, jare omee jou reta ei ɨ̈vavira regua, jae ko asaite ɨ̈vavira regua;

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”