AMÓS 3:9 - Biblia Guarani Tumpa Iñee

⁹ Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 3:9 ပူးပေါင်းရင်းမြစ်များ

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

PROVERBIOS 1:13

Ñanoita oipotagüe mbaeyekou, ¡ñamotɨnɨe yandero opaete mbaembae ñapɨ̈rogüe pe!

PROVERBIOS 11:16

Kuña jeko kavi vae, oyemboeteukata, jare kuimbae ipɨakɨɨyembae, oyemboikokatuta.

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

JEREMÍAS 31:5

Renoi yeta uvarupa, ɨvɨtɨ reta Samaria pegua rupi, uva oñotɨ vae, oyekou yaeta iagüe re.

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

EZEQUIEL 36:8

Ërei pe ɨvɨtɨ Israel pegua reta, jetata ɨvɨra perupi, jare jetata ia chembae vae Israel pegua reta peguarä, echa köi ma yogüeru reta ye vaerä.

EZEQUIEL 37:22

Kuae reta ayapota meteiño tëtaguasu Israel iɨvɨtɨ reta re, jare meteiño güɨnoita juvicha guasurä. Ngaraa ye ma oyemboyao mókoi tëtaguasu pe ani mókoi mborookuaía pe.

OSEAS 7:1

Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

AMÓS 1:8

Opata amokañɨtei tëta Asdod pegua reta jare mburuvicha reta Ascalón pegua. ¡Aitɨta vi chepo Ecrón pegua reta re; opaeteita filisteo reta jembɨregüe ave omano!” Jei yandeYa.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

AMÓS 6:3

Pe reta mbaetɨ peipota peyemongeta ara ikavimbae re, ërei jókuae rupi pembojeieteño ikavimbae.

AMÓS 8:6

¡Yagua vaerä korepoti re paravete vae reta, jare poriau vae reta yagua vaerä pɨapaa re! ¡Trigo ikavimbae ave ñameeta!”

MIQUEAS 6:10

¿Jekuaeñoi pa oime jeko kavimbae jo pe mbaeyekou jupimbae jare mbaejäaka oyemboyoavɨgüe aröɨro yae vae?

1 SAMUEL 5:1

Filisteo reta opɨ̈ro Tumpa ikäjou yave, güɨraja reta Eben-ezer güi Asdod pe,