AMÓS 3:14 - Biblia Guarani Tumpa Iñee

¹⁴ jókuae ara che aitɨta chearasɨ Israel pe ipɨapochɨ vae reta re yave, Bet-el pe mɨmba oyeyuka oyeapɨ jese vae re aitɨta chearasɨ, opata oñemopë mɨmba oyeyuka oyeapɨ jese vae regua guakarätiecha oï vae reta, opata oa ɨvɨ re.

AMÓS 3:14 ပူးပေါင်းရင်းမြစ်များ

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

AMÓS 2:8

Temimonde oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe; jare itumpa reta jo pe jou reta vino, ombaemboepɨ jupimbae reve vae reta omeegüe.

AMÓS 4:4

“Pekua Bet-el pe peyoa peikuaa reve, pemoïru pepɨapochɨ Gilgal pe, peru ndeimbove yave mɨmba oyeyukata vae, jare pediezmo mboapɨ ara ñavo.

AMÓS 7:10

Jayave sacerdote Amasías Bet-el pegua omondo jeiuka Jeroboam mburuvicha guasu Israel pegua pe: “Amós oñemopüa ndekotɨ kuae tëta Israel pe; jare kuae tëta mbaetɨ ma ipuere güɨropɨa opaete iñee reta.

AMÓS 7:13

ërei agüɨye ye mo emombeu Tumpa iñee kuae Bet-el pe, echa tëta mburuvicha guasu ombaemboete pɨpe vae ko, echa kuae tëta güi ko mburuvicha guasu reta oporookuai.

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.