AMÓS 2:9 - Biblia Guarani Tumpa Iñee

⁹ Che ko opa amboai peve amorreo reta, jae reta ko pukugüe tëi ɨ̈vɨrare rami, jare täta ɨvɨra encina rami; opaetei ko amboai.

AMÓS 2:9 ပူးပေါင်းရင်းမြစ်များ

GÉNESIS 15:16

Nerɨmɨmino reta jɨmɨmino reta oyerova yeta kuae kotɨ; echa kuae ara rupi amorreo reta ndeiño omondo ete mbatee imbaeyoa.

1 CRÓNICAS 1:14

Canaán güi oñemuña jebuseo reta, amorreo reta, gergeseo reta,

JOB 18:16

Ɨvɨ kotɨ japo reta otinita, jare ɨvate jäka reta yɨpita.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 34:11

Peyapo che poyókuai añave vae; mase, che amoëta amombo perenonde güi amorreo reta, cananeo reta, heteo reta, ferezeo reta, heveo reta jare jebuseo reta.

ISAÍAS 10:33

Mase, yandeYa Tumpa Imbaepuere yae ete vae, opa oitɨ ipïrimbae reve ɨvɨra reta; opa oyasɨa ɨvɨra ɨvate vae reta, opa oa ɨvɨra ɨvate yae vae reta.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

EZEQUIEL 17:9

Ere chupe reta: ‘YandeYa Tumpa jei Körai: Kuae uva ngaraa oiko. Tenondegua güɨraké oapomondorota, jare opata osururu ia reta, jare opata yɨpi; yavaimbae etei jare mbovɨ vae ndiveño oapomondorota.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

NÚMEROS 32:13

Jare yandeYa iyarasɨ Israel iñemuña reta kotɨ, jáeramo omboguatauka ñuu rupi cuarenta año, opa regua jókuae jeko pɨ̈chɨi vae reta omano yandeYa jóvai.

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

JOSUÉ 10:12

Jókuae ara, yandeYa omee amorreo reta Israel iñemuña reta ipo pe yave, Josué jei yandeYa pe opaete Israel iñemuña reta jovake: “Kuaraɨ, epɨta Gabaón pe; yasɨ, epɨta ɨvɨtɨ päu Ajalón pe.”

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.