AMÓS 2:8 - Biblia Guarani Tumpa Iñee

⁸ Temimonde oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe; jare itumpa reta jo pe jou reta vino, ombaemboepɨ jupimbae reve vae reta omeegüe.

AMÓS 2:8 ပူးပေါင်းရင်းမြစ်များ

ÉXODO 22:25

Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

ISAÍAS 57:7

Ɨvɨtɨ ɨvate yae vae iyapɨte re, reñono nderupa, joko pe vi reyeupi remee mɨmba oyeyukagüe.

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 18:7

mbaetɨ vi oyuvanga kia re, mbia re oeya mbae vae pe, omee ye chupe; mbaetɨ oñomi mbae kia güi; yɨmbɨaɨ vae omongaru jare nandi vae omboemimonde;

EZEQUIEL 23:41

javoi oguapɨ reta metei tupa kavi pe, jare mesa pe oñono reta ikäti kavi vae incienso jare olivo iasaite oñeñono tee cheve vae.

OSEAS 4:8

Chembae vae reta mbaeyoa oyapo vae re peiko; jáeramo peipota yae oyapo reta mbaeyoa.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

AMÓS 3:14

jókuae ara che aitɨta chearasɨ Israel pe ipɨapochɨ vae reta re yave, Bet-el pe mɨmba oyeyuka oyeapɨ jese vae re aitɨta chearasɨ, opata oñemopë mɨmba oyeyuka oyeapɨ jese vae regua guakarätiecha oï vae reta, opata oa ɨvɨ re.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 6:4

Peke tupa oñemopöra kavi elefante jäimbukugüe pe vae pe, jare peyapakua perupa pe; peu vecha taɨrusu vae japicha reta ipɨte güi jare toro taɨrusu oyemongɨragüe reta güi;

AMÓS 6:6

peu vino tasa guasu pe, jare peipichɨ peyé mbae ikäti kavi vae, ¡jare mbaetɨ pepɨatɨtɨ José iñemuña reta isusere re!

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

1 Corintios 10:7

Agüɨye petumpa-raanga pota jae reta rami, echa oyekuatía oï körai: “Oguapɨ reta okaru, okau, jare opüa reta güɨropo.”

1 Corintios 8:10

Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.