AMÓS 2:7 - Biblia Guarani Tumpa Iñee

⁷ Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 2:7 ပူးပေါင်းရင်းမြစ်များ

2 SAMUEL 12:14

Ërei ngatu kuae reyapo vae jeko pegua, reyangaouka yandeYa jókuae oyemboyovaicho ikotɨ vae reta pe. Kuae jeko pegua, jókuae michia raɨ oa ramo ndeve vae omanota.

1 REYES 21:4

Acab ojo jo kotɨ ipɨatɨtɨ jare iyarasɨ reve Nabot jei chupe vae re, echa jei chupe mbaetɨta omee tu imbaegüe opɨta imbaerä vae. Ojo oväe jare oyapakua omae reve ovapetea kotɨ, jare mbaetɨ oipota okaru.

PROVERBIOS 28:21

Yayoparavoño yayoparareko vae mbaetɨ ko ikavi; metei mbɨyape jaɨgüe re ave, ipuere ko yandeyoa.

ISAÍAS 10:1

Tumpa jei: ¡Peparavete, pe peyapo mborookuai reta jupimbae vae, jare jókuae rupi peiporarauka pepïrimbae,

ISAÍAS 10:2

mbaetɨ vaerä peyapo jupi vae paravete vae reta pe, pemboeteä etei vaerä paravete vae reta kuae tëta chembae vae pegua, peyuvanga vaerä imemano vae reta re, pepɨ̈ro vaerä mbae tɨ̈reɨ reta güi!

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 3:15

¿Maera pa peyuvanga tëta chembae re? ¿Maera pa peyuvanga mbatee paravete vae reta re?” Jei yandeYa Tumpa Imbaepuere yae ete vae.

EZEQUIEL 22:11

Amogüe reta oyapo ikavimbae yae vae: Oasa japicha jembireko ndive, taɨ jembireko ndive, ani oasa jeindɨ tu tee vae ndive.

EZEQUIEL 36:20

Yogüɨraja reta oväe ïru tëtaguasu reta pe yave, güɨröɨrouka reta cheree, echa jeiuka reta iyeupe: ‘Jae ko kuae Tumpa imbae reta, ërei opa oeya reta iɨvɨ.’

OSEAS 4:14

Ngaraa aiporarauka tayɨ reta pe iyaguasa pota jeko pegua ani taɨtatɨ reta pe, menda re oyuvanga jeko pegua, echa jae reta etei ko yogüɨraja kuña iyaguasa pota vae ndive jare kuña jeko kavimbae ndive; oyogüɨroyapakua vae rupi omee reta mbaemboete. ¡Jáeramo oñemokañɨtei tëta mbaetɨ arakuaa güɨnoi vae!

LEVÍTICO 18:15

Agüɨye kia nunga vae topoko taɨ jembireko re, echa taɨtatɨ ko, agüɨye topoko jese.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 18:8

Agüɨye kia nunga vae topoko ichɨraanga re; tomboete tu.

LEVÍTICO 20:3

Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

AMÓS 8:4

Peendu, oñemomichi vae reta re peyuvanga vae reta jare paravete vae reta re peyuvanga vae reta,

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

MIQUEAS 2:9

Cherëtaɨgua reta jembireko penoe pemombo jo oaɨu vae güi, jare imichia reta güi pepɨ̈ro jekuae avei pegua, mbaeyekou amee chupe reta vae.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

Romanos 2:24

Echa Tumpa Iñee pe oyekuatía oï körai: “Judiombae vae reta jei ikavimbae vae Tumpa kotɨ pereko pegua.”

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.