AMÓS 2:14 - Biblia Guarani Tumpa Iñee

¹⁴ Iñäkua yae vae ngaraa ipuere otekuarai; ipɨ̈rata yae vae ngaraa ipɨ̈rata omborɨ, jëia yae vae ave ngaraa ipuere güɨroasayepe jekove.

AMÓS 2:14 ပူးပေါင်းရင်းမြစ်များ

JOB 11:20

Ërei jeko pɨ̈chɨi vae reta, okañɨteita; mbaetɨta ketɨ oväe reta oñepɨ̈ro vaerä, jae reta jaeño ma oäro vae, jae ko mano.

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

JEREMÍAS 25:35

Vecha iyangarekoa reta ngaraa ipuere otekuarai, vecha reta jeroataa reta ngaraa ojoyepe.

JEREMÍAS 39:4

Jare mburuvicha guasu Sedequías jare isundaro reta oecha yave kuae oasa oï vae, otekuarai reta tëta guasu güi. Ñogüɨnoe reta pɨ̈tu yave, tape mburuvicha guasu iko raɨ rupi oasa vae rupi, öke tëta guasu ikësea mókoi oyóvai ñogüɨnoi vae ipäu pe oï vae rupi, jare yogüɨraja tape Arabá kotɨ ojo vae rupi.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.