AMÓS 2:11 - Biblia Guarani Tumpa Iñee

¹¹ Jare peraɨ reta güi amopüa ñeemombeuarä, jare petaɨrusu reta güi nasareorä. ¿Jökoraiä pa ko, Israel iñemuña reta?” Jei yandeYa.

AMÓS 2:11 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

1 REYES 19:16

jare Jehú, Nimsi jɨmɨmino mburuvicha guasurä Israel pe; jare Eliseo, Safat taɨ tëta Abel-mehola pegua, eiparavo cheñeemombeuarä nderekovia pe.

1 REYES 20:13

Jökorai yave metei Tumpa iñeemombeúa ou Acab mburuvicha guasu Israel pegua pɨri, jare jei chupe: —Körai jei yandeYa: “Yepe tëi reecha jókuae tovaicho jeta yae vae, ërei añave che ameeta ndepo pe, reikuaa vaerä che ko jae ndeYa.”

1 REYES 20:35

Ërei ngatu metei kuimbae ñeemombeúa reta güi oyókuai iñeïru, Tumpa jei chupegüe rupi: —¡Eyapo ikavi vae cheve, chembopere! Ërei jókuae iñeïru mbaetɨ oipota oyapo.

1 REYES 20:41

Ërei jókuae ñeemombeúa oekɨ iyeugüi aramoete iñäkaövaa tarapo, jare mburuvicha guasu oikuaa jae ko ñeemombeúa reta güi metei.

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 6:1

Ñeemombeúa reta jei Eliseo pe: —Mase, nde ndive yaikoa, michi yae ko yandeve.

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

JEREMÍAS 11:21

Jare Anatot pegua kuimbae reta oeka kërai cheyuka vaerä, cheokuai reta agüɨye mo vaerä chemiari Tumpa jee re, echa mbaetɨ yave cheyuka retata,

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 7:25

Peñemuñagüe reta Egipto güi ñogüɨnoe güive añave regua, che ambou avei peve opaete cherembiokuai ñeemombeúa reta.

LAMENTACIONES 4:7

Yanderuvicha reta ikɨambae ko yepi, oasa ete yé tïiasɨ iroɨ güi jare neche güi; ipireyuasɨ, mbaepotɨ iyu vae güi; jete kavi, ita zafiro jee vae güi.

MIQUEAS 2:6

“¡Agüɨye pemoërakua oreve mbae outa vae, echa ngaraa maratu roasa!”

Hechos 4:18

Jayave oenɨi Pedro jare Juan, jare oyopia yeyé jei reve: —¡Agüɨye ye pemiari ani peporomboe Jesús jee re!

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

1 SAMUEL 19:20

Saúl omondo iñee jerajaa reta güeru vaerä David, jare kuae reta oecha metei atɨ ñeemombeúa reta omombeu Tumpa iñee ñogüɨnoi, Samuel oï joko pe tenonde chupe reta, jare ogüeyɨ vi Tumpa iespíritu jókuae ñee jerajaa reta re jare jae reta vi omombeu Tumpa iñee.

1 SAMUEL 3:20

Jare opaete Israel iñemuña reta, Dan güive Beerseba kotɨ, oikuaa reta Samuel jae ko yandeYa iñeemombeúa jupi vae.