AMÓS 1:5 - Biblia Guarani Tumpa Iñee

⁵ Amopëta Damasco jöke reta oyeokenda tëi ñogüɨnoi pɨpe vae; amboaita tëta ɨvɨtɨ päu Avén pe yogüɨreko vae reta, jare Bet-edén pegua mburuvicha reta; jare tëtaguasu Siria pegua reta opata oyereraja tembipɨɨrä tëta Kir pe.” Jei yandeYa.

AMÓS 1:5 ပူးပေါင်းရင်းမြစ်များ

2 REYES 14:28

Ïru mbaembae Jeroboam regua, opaete oyapogüe reta, mbae ikavigüe oyapo vae reta, jare opaete ñeraro rupi oyapo vae, jare kërai Damasco jare Hamat opɨ̈ro ye Israel peguarä, jae ko Judá imbaegüe; kuaekuae regua oyekuatía oï tembikuatía pe, Israel pegua mburuvicha guasu reta regua oyekuatía oïa pe.

2 REYES 16:9

Jare mburuvicha guasu Asiria pegua ikɨ̈reɨ omborɨ vaerä; javoi oporepeña tëta Damasco re, omoamɨri jare güɨraja tembipɨɨrä joko pegua reta Kir kotɨ, jare oyuka Rezín.

ISAÍAS 22:6

Elam pegua reta oyapo kavi ma juvɨrɨru, ñogüɨnoi ma ikavayu re jare ikäretou ñeraro pegua pe; jare Kir pegua reta güɨnoe ma iyeopiaka.

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

JEREMÍAS 50:36

¡Ou ñeraro maratuta vae imombeúa reta pe; timbokere topɨta! ¡Ou ñeraro isundaro reta pe; tiñamɨri reta!

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 27:23

Harán, Cane jare Edén pegua reta, jare omaemee vae reta Sabá pegua, Asiria pegua jare opaete Quilmad pegua reta ombaegua ndegüi;

EZEQUIEL 30:17

Tëta Avén jare Pibeset pegua taɨrusu vae reta omanota ñeraro pe, jare kuña reta opata güɨraja tembipɨɨrä.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

AMÓS 5:5

Agüɨye pekua Bet-el kotɨ ani Gilgal kotɨ, agüɨye pekua Beerseba kotɨ, echa Gilgal oyererajaukata ɨvɨ ambuae pe tembipɨɨrä jare Bet-el opata oyemboai.”

AMÓS 9:7

YandeYa jei: “Israel iñemuña reta, pe reta peyovakeño ko Etiopíaɨgua iñemuña reta ndive. Che ko anoe Israel iñemuña reta ɨvɨ Egipto güi, jare aru filisteo reta Caftor güi, jare arameo reta Kir güi.”

NAHUM 3:13

Ndesundaro reta kuña katuaiecha; ndeɨvɨ pe yavaiä etei oike nderovaicho; tata opa omboai neröke reta reyeokenda reï pɨpe vae.