AMÓS 1:2 - Biblia Guarani Tumpa Iñee

² Amós jei: YandeYa iñeeäta yave ɨvɨtɨ Sión güi, jae ko Jerusalén, kapii jenda opa ipiru jare ɨvɨtɨ Carmelo jee vae pe ñana opa vi ipiru.

AMÓS 1:2 ပူးပေါင်းရင်းမြစ်များ

SALMOS 29:4

YandeYa iñee oyeendu tätagüe, yandeYa iñee oyeendu mbaepuere yae ndive.

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

PROVERBIOS 20:2

Mburuvicha guasu iyarasɨ, yaguapope pochɨ yae vae iñee rami ko; mburuvicha guasu omboarasɨuka vae, jaeño ko oyapo iyeupe teko.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 25:30

Nde, Jeremías, emoërakua opaete kuaekuae reta. Ere chupe reta: ‘CheYa iñeeäta ɨvate güi, jae oikoa ikɨambaea güi. Imbae vae reta kotɨ iñeeäta; uva oitɨami vae itairari, otairarita opaete ɨvɨ pegua reta kotɨ.

JEREMÍAS 28:8

Tenonde yogüɨreko ñeemombeúa reta ndei che ani nde reiko mbove vae, omoërakua reta ñeraro, tembiporara jare mbaerasɨ ovakatu vae opaete tëtaguasu reta kotɨ jare mborookuaía reta kotɨ.

JEREMÍAS 50:19

Israel aru yeta iɨvɨ pe, jare vecha jeta güɨnoi kapii Carmelo pe jare Basán pe vae ramita; ɨvɨtɨ guasu reta Efraín jare Galaad pe yangapɨɨta.

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

OSEAS 13:8

Aëta tape pe aövaiti metei oso kuña imembɨ oñepɨ̈ro chugüi vae rami, amopächata. Yaguapope oporou rami opata jau, mbaeporou oporoapo rami opata ambojaɨ jaɨ.

JOEL 1:19

¡Asapúkai ndekotɨ cheYa Tumpa; echa kuaraɨ opa omombiru kapii, jare vi opaetei ɨvɨra reta!

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

AMÓS 9:3

Ɨvɨtɨ guasu Carmelo iyapɨte re oñemi yave, joko pe aekata aipɨɨ; yepe mona oñemi tëi chegüi ɨguasu jugua pe, joko pe amondota mboi oichuu vaerä.

NAHUM 1:4

Oñeengata ɨguasu pe jare opa omotini. Opa omotini opaete ɨ̈aka. Basán pegua ko reta jare ɨvɨtɨ Carmelo opa otini, Líbano pegua mbaepotɨ reta opa ipiru.

1 SAMUEL 25:2

Oiko tëta Maón pe metei kuimbae güɨnoi mɨmba Carmel pe vae, jae ko oikokatu yae vae, güɨnoi tres mil vecha jare mil kavara, joko pe jae oñapi oï ivecha reta.