AMÓS 1:14 - Biblia Guarani Tumpa Iñee

¹⁴ Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

AMÓS 1:14 ပူးပေါင်းရင်းမြစ်များ

2 SAMUEL 11:1

Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

2 SAMUEL 12:26

Joab oïraro oiko tëta Rabá, Amón iñemuña reta jëta, jare opa oñova tëta mburuvicha guasu oï pɨpe vae.

2 SAMUEL 12:31

Jare jókuae tëta pegua reta opa güɨnoe güɨraja omombaravɨkɨ siera pe, mbae oyembopiriri pɨpe vae jiero pegua jare yɨɨ jiero pegua pe, omombaravɨkɨ reta vi ladrillo oyapo vaerä. Jökorai vi oyapo opaete ïru tëta guasu reta, Amón iñemuña reta jëta guasu reta. Javoi oyerova ye opaete isundaro reta ndive Jerusalén kotɨ.

1 CRÓNICAS 20:1

Ërei jókuae año ou ye vae re, mburuvicha guasu reta iñoraro iara pe, Joab güɨraja sundaro reta jëia yae vae, jare opa oporomokañɨtei reta Amón iñemuña reta iɨvɨ pe, jare tëta Rabá opa oñova jare omboai. Ërei David opɨtaño Jerusalén pe.

JOB 39:25

Iñee pe omboyevɨ mimbɨguasu iñee, mombɨrɨ güi oëtu ñeraro, jare oendu sundaro ruvicha reta iñee jare täsémbai.

SALMOS 83:15

¡Jökorai eaɨkuemoña reta neama ɨvɨtuai reve vae pe, jare eiämondo reta nekusumirou pe!

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 9:5

Echa opaete pɨapaa sundaro güɨraja ñeraroa pe vae, jare opaete temimonde tugüɨ oya jese vae, opata oyeapɨ, kapii oyeapɨ tata pe rami.

JEREMÍAS 23:19

YandeYa iyarasɨ outa ama ɨvɨtuai reve rami; outa ama ɨvɨtuai reve rami jeko kavimbae reta re.

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

EZEQUIEL 21:20

Eyapo metei tape jokoropi ou vaerä mburuvicha guasu ikɨsepuku ndive tëta guasu Rabá pe, Amón iñemuña reta jëta jare Jerusalén tëta guasu jëguambae Judá pegua pe.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 21:25

Jare nde mburuvicha guasu Israel pegua jeko kavimbae yae vae, oporoyuka vae, ou oväe ndeve ara, iyapɨ vaerä opaete ikavimbae reyapo vae.

EZEQUIEL 25:5

Tëta guasu Rabá oikota jɨmba camello reta jekuarä, jare Amón iñemuña reta iɨvɨ vecha reta ikarúa renda. Jayave pe reta chekuaata che ko jae peYa vae.’

EZEQUIEL 25:7

Jáeramo, aiporaraukata peve jare pomeeta ïru tëtaguasu reta pe, opɨ̈ro vaerä pegüi opaete pembaembae. Pomokañɨteita ïru tëta reta ipɨte güi, pomboaita ïru tëtaguasu reta güi, opaeteita pomokañɨtei. Jayave pe reta peikuaata che ko jae peYa vae.’ ”

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

AMÓS 2:2

Jáeramo ɨvɨ Moab re amoendɨta tata, jare jókuae tata opata oapɨ mburuvicha guasu jo kavi reta tëta Queriot pe; jare ɨvɨ Moab pegua reta omanota jäsémbai reve, mimbɨguasu ñeraro pegua oñee vae iyavei.

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.