AMÓS 1:11 - Biblia Guarani Tumpa Iñee

¹¹ YandeYa jei körai: “Edom iñemuña reta iyoa yae jeko pegua, mbaetɨta cheɨ̈ro chupe reta; echa kɨsepuku pe omoña reta jëtara Israel iñemuña reta, ombosɨrɨ reta iyeugüi mboroparareko; iyarasɨ katu avei ikotɨ jare omotareɨ katu avei jeko pegua.

AMÓS 1:11 ပူးပေါင်းရင်းမြစ်များ

2 CRÓNICAS 20:10

Añave, Amón jare Moab iñemuña reta jare ɨvɨtɨ Seir pegua reta, kuae reta iɨvɨ rupi mbaetɨ remaeño oasa Israel iñemuña reta yogüeru yave Egipto güi, oasa retaño ïkotɨa rupi chugüi reta jare mbaetɨ omboai reta.

2 CRÓNICAS 20:11

Mase, jae reta añave omboekovia oreve, echa oñemopüa oreré orerenoe vaerä oremombo kuae ɨvɨ nde remee orembaerä vae güi.

2 CRÓNICAS 28:17

echa Edom iñemuña reta oporepeña vi Judá pegua reta re, jare omoamɨri, jare güɨraja reta tembipɨɨrä joko güi.

SALMOS 137:7

CheYa Tumpa, nemaendúa Edom iñemuña reta re, Jerusalén oyemboai yave jei reta: “¡Pemboai, pemboai iguapɨka reve!”

SALMOS 85:5

¿Ndearasɨta ra reiko orekotɨ jekuae avei rupi? ¿Ndearasɨ aveita ra reiko jekuae avei pegua?

ECLESIASTÉS 7:9

Agüɨye ndearasɨ katu, echa yarakuaambae reta ko iyarasɨ katu.

ISAÍAS 57:16

Echa ngaraa amboeko avei chembae vae reta, ngaraa vi chearasɨ avei aiko; echa jökorai yave cherembiapo reta ipɨtuta cheróvai.

OSEAS 8:3

Ërei Israel pegua reta güɨröɨro ikavi vae, jókuae jeko pegua tovaicho reta pembotekuarai.

JOEL 3:19

Egipto opata oyemboai, jare Edom opɨtata ipombae; Judá iñemuña reta re oyuvanga reta jeko pegua; iɨvɨ pe oyuka reta jekombae vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 1:15

Jare chearasɨ yae aï tëtaguasu reta kïrii ngatu ñogüɨnoi vae kotɨ; echa michiño chearasɨ yave jae reta ombojeiete ikavimbae vae.

MALAQUÍAS 1:2

YandeYa jei: “Che poaɨu ko.” Ërei pere: “¿Kërai pa oreraɨu?” YandeYa jei ye: “¿Esaú jaeä pa Jacob tɨkeɨ? Aɨu Jacob

MALAQUÍAS 1:4

Edom iñemuña reta jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”

Efesios 5:1

Peiko Tumpa oiko rami. Echa pe ko jae taɨ reta oaɨu yae vae.

DEUTERONOMIO 23:7

Ërei ngatu agüɨye peröɨro Edom iñemuña reta; echa perëtara reta ko; jare Egiptoɨgua reta, echa peikose iɨvɨ pe;