ABDÍAS 1:9 - Biblia Guarani Tumpa Iñee

⁹ Temán pegua ñeraro regua reta orɨrɨita okɨɨye güi, ɨvɨ Esaú pe ɨvɨtɨ guasu rupi yogüɨreko vae reta, opaeteita omano.

ABDÍAS 1:9 ပူးပေါင်းရင်းမြစ်များ

GÉNESIS 36:11

Jare Elifaz taɨ reta jae: Temán, Omar, Zefo, Gatam jare Cenaz.

1 CRÓNICAS 1:45

Jobab omano yave, Husam oguapɨ jekovia pe mburuvicha guasurä, jae ko ɨvɨ Temán pegua.

JOB 2:11

Jare mboapɨ Job ivɨa-ïru reta: Elifaz Temán pegua, Bildad Súa pegua jare Zofar Naamat pegua; oendu reta opaete kuae ikavimbae ou chupe vae yave, yogüeru reta metei ñavo yogüɨrekoa kotɨ güi; echa oñomomiari reta yogüeru päve vaerä ipɨatɨtɨ jese jare ombopɨakatu vaerä.

JEREMÍAS 49:20

Peyeapɨsaka kërai che peYa ayemongeta Edom kotɨ vae re, jare kërai ko cheyemongeta Temán pegua reta kotɨ vae re: Vecha raɨ ave güɨraja retata jare kapiirupa opata oyemboai.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 49:7

YandeYa Imbaepuere yae ete vae jei Edom iñemuña reta regua körai: “¿Mbaetɨ ma pa arakuaa katu Temán pe? ¿Opa pa arakuaa katu iyarakuaa katu yae vae reta güi? ¿Oikomegua pa chugüi reta iyarakuaa katu?

EZEQUIEL 25:13

Jáeramo, che ndeYa Tumpa jae körai: Aiporaraukata vi Edom pe, amokañɨteita opaete vae reta jare mɨmba reta. Aeyata ipombae. Temán güive Dedán kotɨ, opata amokañɨtei reta ñeraro pe.

AMÓS 1:12

Jáeramo tëta Temán re amoendɨta tata, jare jókuae tata opata oapɨ mburuvicha guasu jo kavi reta tëta Bosra pe.”

AMÓS 2:16

Ñeraro pegua reta güi jëia yae vae ave inandiño eteita otekuarai jókuae ara.” Jei yandeYa.

ABDÍAS 1:21

Oporomoamɨri retata oyeupi ɨvɨtɨ Sión kotɨ, oporojäa reta vaerä ɨvɨ Esaú pegua reta kotɨ; jare yandeYa oporookuaita joko pe.

ABDÍAS 1:5

“Imonda vae reta yogüeru yave omaeñomi vaerä pegüi pɨ̈tu yave, ngaraa opaete güɨraja pegüi; yogüeru yave peve ombaepoo vae reta, ngaraa opaetei oyevɨka jese pegüi. Ërei ngatu perovaicho reta opaeteita pemboai pereeya.

NAHUM 3:13

Ndesundaro reta kuña katuaiecha; ndeɨvɨ pe yavaiä etei oike nderovaicho; tata opa omboai neröke reta reyeokenda reï pɨpe vae.

HABACUC 3:3

Tumpa ou ɨvɨ Temán güi: Tumpa Iyoambae ou ɨvɨtɨ Parán güi. Iyemboetea oñemoai opaete ara re jare opaete ɨvɨ tɨnɨe imbaemboetea.

DEUTERONOMIO 2:5

Agüɨye peñoraro jae reta ndive, echa ngaraa amee peve kërai ave yepe jae reta iɨvɨ güi. Che ko amee Esaú iñemuña reta imbaerä ɨvɨtɨ Seir.