ABDÍAS 1:5 - Biblia Guarani Tumpa Iñee

⁵ “Imonda vae reta yogüeru yave omaeñomi vaerä pegüi pɨ̈tu yave, ngaraa opaete güɨraja pegüi; yogüeru yave peve ombaepoo vae reta, ngaraa opaetei oyevɨka jese pegüi. Ërei ngatu perovaicho reta opaeteita pemboai pereeya.

ABDÍAS 1:5 ပူးပေါင်းရင်းမြစ်များ

2 SAMUEL 1:19

“¡Israel! ¡Ñamɨri ndeyemboetea ndeɨvɨtɨ reta re! ¡Ñamɨri kuimbae ñeraro regua reta!

ISAÍAS 14:12

¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

ISAÍAS 17:6

oyeechambae vae jembɨre; olivo jäka oñemokana yave ia jembɨregüe rami; mókoi ani mboapɨ ia oï jäka re, irundɨ ani pandepo ia oï jäka ikavi yae vae re. Jökoraita opɨta tëtaguasu jei yandeYa Israel iTumpa.

ISAÍAS 24:13

Jökoraita opaete tëta guasu reta kuae ɨvɨ pe, ɨvɨra olivo ia oñemokana oyeitɨ rami, uva opa ma oyepoogüe re kia oyevɨka rami.

JEREMÍAS 49:9

Ombaepoo vae reta yogüeru uva oipoo yave, oeyaño amogüe uva iagüe; pɨ̈tu yave imonda vae reta yogüeru omaeñomi yave, güɨraja jókuae oipota vaeño.

JEREMÍAS 50:23

¡Babilonia, martillo rami opaete ɨvɨ pegua reta re vae, oyeakɨo opɨta, opa oyembojaɨ jaɨ! ¡Okɨɨye rai yae tëtaguasu reta, oecha yave kërai Babilonia oasa vae!

JEREMÍAS 6:9

YandeYa Imbaepuere yae ete vae jei: “Israel iñemuña reta jembɨregüe opaeteita oyeeka, uvarupa iya, opaetei oyevɨka uva re rami.”

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

ABDÍAS 1:9

Temán pegua ñeraro regua reta orɨrɨita okɨɨye güi, ɨvɨ Esaú pe ɨvɨtɨ guasu rupi yogüɨreko vae reta, opaeteita omano.

MIQUEAS 7:1

¡Tataɨ re! Kuaraɨ guasu pe temitɨ iagüe oeka vae rami ko aï, uva iagüe re oyevɨka reta vae rami, ërei mbaetɨ etei kërai yepe aväe; ayúe tëi mbaagüɨyerɨpɨ.

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

DEUTERONOMIO 24:21

Peuva peipoo yave, agüɨye peyevɨka peeyagüe re, peeya ketɨgua peguarä, tɨ̈reɨ ani imemano vae peguarä.

Apocalipsis 18:10

Ërei jae reta oyemboɨta mombɨrɨ tëta guasu güi, okɨɨye ramo oiporara oï vae güi, jei reve: “Paravete tëta guasu Babilonia, tëta guasu imbaepuere yae vae; echa neparanoe oväe reiporara yae vaerä.”