ABDÍAS 1:3 - Biblia Guarani Tumpa Iñee

³ Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

ABDÍAS 1:3 ပူးပေါင်းရင်းမြစ်များ

GÉNESIS 36:8

Jare Esaú oñemoëta ɨvɨtɨ Seir pe; Esaú jae ko Edom.

2 REYES 14:7

Amasías jae ko oyuka diez mil Edom iñemuña reta ɨvɨtɨ päu ipe kavi Yukɨ jee vae pe, jare opɨ̈ro tëta Sela, javoi ombojee Jocteel; jökorai jee añave rupi.

2 CRÓNICAS 25:11

Jayave Amasías oñemoäta ngatu jare güɨnoe isundaro reta ɨvɨtɨ päu ipe kavi Yukɨ jee vae pe, jare oyuka reta Seir iñemuña reta güi diez mil.

2 CRÓNICAS 25:12

Judá pegua reta oporopɨɨ vi jekove reveño diez mil kuimbae jare güɨraja reta metei ɨ̈vavira iyapɨte re; joko güi oitɨ reta ɨ́vɨkotɨ, jare opaetei opë opë reta oa.

JOB 20:6

Yepe tëi ara oupitɨ, jare iñäka oupitɨ amapɨtu reta.

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

PROVERBIOS 18:12

Ndei susere mbove, oime pɨayembotuicha; ndei oime yemboete mbove, oime susere.

PROVERBIOS 29:23

Kuimbae ipɨapochɨ vae, oñemomichiuka, ërei ñemomic hi rupi oiko vae, oyemboeteuka.

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

JEREMÍAS 21:13

‘Tëta guasu ɨvɨtɨ re reï vae, ɨvɨtɨ päu ipe kavi vae oyere nderé vae, che ndeYa jae ndekotɨ; pe reta pere: ¿Kia pa ipuereta yanderé? ¿Kia pa ipuereta oike ñaneñepɨ̈roka pe?

JEREMÍAS 37:9

Che, peYa amombeu peve: Agüɨye peyombotavɨ pe aeño jare pere: ‘Caldeaɨgua reta jaema ko opa yogüɨraja yandegüi.’ Echa mbaetɨta ko jökorai.

JEREMÍAS 48:28

Moab pegua reta, peeya tëta guasu reta; pekua ɨ̈vavira kotɨ, jare joko pe peiko, pɨkasu oyembojaitɨ ɨ̈vavira ipäu vae rupi rami.

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

JEREMÍAS 49:4

¿Maera pa reyembotuicha ndeɨvɨpe kavi re? Ndeɨvɨpe kavi opa ma oyemboai, tëta iñeereendumbae, rerovia katu mbaembae remboatɨgüe re, rere: ‘¿Kia pa oporepeñata cheré?’

EZEQUIEL 28:16

Jeta yae remaemee vae jeko pegua reyembopɨapochɨ jare ndeyoa. Jáeramo rogüɨnoe romombo cheɨvɨtɨ güi, romombo yasɨtata reta ipɨte güi, nde querubín reporoangarekose vae.

MALAQUÍAS 1:4

Edom iñemuña reta jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”