ABDÍAS 1:19 - Biblia Guarani Tumpa Iñee

¹⁹ Israel iñemuña reta Neguev pe yogüɨreko vae opɨ̈rota ɨvɨ Esaú jare Sefela pegua reta opɨ̈rota filisteo reta iɨvɨ; opɨ̈ro retata vi ɨvɨ Efraín jare ɨvɨ Samaria; Benjamín iñemuña reta opɨ̈rota ɨvɨ Galaad.

ABDÍAS 1:19 ပူးပေါင်းရင်းမြစ်များ

2 REYES 17:24

Mburuvicha guasu Asiria pegua güeru kuimbae reta Babilonia güi, Cuta güi, Ava güi, Hamat güi jare Sefarvaim güi, jare oñono tëta guasu reta ɨvɨ Samaria pegua rupi, Israel pegua reta jekovia pe. Jökorai yogüɨreko ɨvɨ Samaria pe tëta guasu ñavo rupi.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

ESDRAS 4:17

Jayave mburuvicha guasu Artajerjes omboyevɨ jókuae tupapire pe jei vae körai: “Mburuvicha Rehum jare ombaekuatía vae Simsai, jare opaete peïru reta Samaria pe peiko vae, jare ɨ̈aka Éufrates jovaicho pe peiko vae: ‘Pepɨakatuño.’

ESDRAS 4:2

yogüeru Zorobabel pɨri jare metei tëtara vae reta itenondegua reta pɨri, jare jei reta chupe reta: —Topomborɨ ñamopüa o pe reta ndive, echa pe reta rami vi ko royeokuai peTumpa pe, jare chupe romee mɨmba oyeyukagüe, Esar-hadón mburuvicha guasu Asiria pegua oiko güive mburuvicharä, jae orembou kuae pe roiko vaerä vae.

SALMOS 69:35

Echa Tumpa oepɨta Sión, jare omopüa pɨau yeta tëta guasu reta Judá pegua; yogüɨrekota pɨpe vae jare imbaerä oikota.

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

EZEQUIEL 25:16

Jáeramo, che peYa jae körai: ‘Aiporaraukata filisteo reta pe, amokañɨteita cereteo reta jare jembɨregüe ɨguasu jembeɨ rupi ñogüɨnoi vae.

EZEQUIEL 36:28

Peikota ɨvɨ amee peñemuñagüe reta pe vae pe, peikota chembaerä, jare che aikota peTumparä.

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

AMÓS 1:8

Opata amokañɨtei tëta Asdod pegua reta jare mburuvicha reta Ascalón pegua. ¡Aitɨta vi chepo Ecrón pegua reta re; opaeteita filisteo reta jembɨregüe ave omano!” Jei yandeYa.

AMÓS 9:12

Edom güi jembɨregüe jare ïru tëtaguasu reta ou ye vaerä opɨta tëta Israel, cheree omboete vae imbaerä.” YandeYa, opaete mbaembae oyapo vae, jei körai.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

NÚMEROS 1:32

José taɨ Efraín iñemuña reta güi, tëtara ñavo rupi, metei tu ñavo rupi, omoapɨta reta jee ñavo rupi opaete kuimbae veinte año güi kutɨ, opaete ipuere ma ñeraro pe yogüɨraja vae reta.

JOSUÉ 13:25

Gad iñemuña reta iɨvɨ jae ko Jazer, jare opaete tëta guasu reta Galaad pegua, Amón iñemuña reta iɨvɨ mbɨte güive tëta Aroer kotɨ, Rabá jóvai oï vae pe,

JOSUÉ 13:31

jare Galaad mbɨte rupi, jare tëta guasu Astarot jare Edrei, tëta guasu reta Basán pegua Og imbae. Opaete kuae ɨvɨ jae ko Manasés taɨ, Maquir iñemuña reta oyemboyaogüe peguarä, jëtara ñavo rupi.

JOSUÉ 15:21

Tëta guasu reta Judá iñemuña reta imbaerä opɨta arayevɨ kotɨ vae, Edom jembeɨ kotɨ vae, jae ko: Cabseel, Edar, Jagur,

JOSUÉ 15:33

Ɨvɨpe kavi rupi tëta guasu ñogüɨnoi vae jae: Estaol, Zora, Asena,