2 Timoteo 4:3 - Biblia Guarani Tumpa Iñee

³ Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

Nuevo Testamento Guaraní Pe

³ Echa outa ara reta ovae agüɨye vaera ɨvɨ pegua reta oipota oyeapɨsaca moromboe añete vae re. Erei jemimbota reño oeca retata jeta oporomboe vae reta, oñemboe vaera chugüi reta mbae oipota oyeapɨsaca jese vae reño.

2 Timoteo 4:3 ပူးပေါင်းရင်းမြစ်များ

1 REYES 18:22

Jare Elías jei opaete vae reta pe: —Jaeño che yandeYa iñeemombeúa apɨta; ërei Baal regua omoërakua vae reta oime ñogüɨnoi cuatrociento cincuenta kuimbae.

1 REYES 22:18

Mburuvicha guasu Israel pegua jei Josafat pe: —¿Jaeä pa ndeve, kuae kuimbae mbaetɨi omombeu cheve ñee ikavigüe, jaeño ikavimbae?

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

ÉXODO 32:33

Ërei yandeYa jei Moisés pe: —Chekotɨ oyapo mbaeyoa vaeño amboaita cherembikuatía güi.

ISAÍAS 28:12

Echa chupe reta Tumpa jei tëi: “Kuae pe peiko pɨagüive, ikangɨ vae, toputuu.” Ërei jae reta mbaetɨ oipota oyeapɨsaka jese.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

JEREMÍAS 29:8

Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Lucas 6:26

¡Paravete, pe reta opaete vae jei ikavi vae pekotɨ yave! Echa jökorai ko iñemuñagüe reta oyapo yepi ñeemombeúa raanga reta pe.

San Juan 8:45

Ërei che añete vae re chemiari vae mbaetɨ chererovia.

Hechos 17:21

Echa opaete Atenaɨgua reta jare ketɨgua joko pe yogüɨreko vae reta, jaeño oyemoambeko imiari jare oyeapɨsaka mbae ipɨau vae re.

1 Corintios 2:1

Cherɨvɨ reta, aja pépɨri amombeu vaerä peve añete vae Tumpa regua yave. Mbaetɨ chemiari peve ñee tuichagüe rupi ani arakuaa rupi.

1 Corintios 2:4

jare chemiari peve ani añemoñee peve yave, mbaetɨ aiporu ñee reta arakuaa pegua, jaeño Espíritu imbaepuere rupi vae,

Gálatas 4:16

¿Añete vae jae peve vae rupi ayemboyovaicho ra pe ndive?

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

2 Timoteo 1:13

Eiko mboromboe añete vae re, chegüi reendu vae, mborogüɨrovia jare mboroaɨu Cristo Jesús re.

Judas 1:18

echa jae reta jei yepi peve: “Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño vae yogüɨreko vae reta.”