2 Timoteo 4:17 - Biblia Guarani Tumpa Iñee

¹⁷ Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.

Nuevo Testamento Guaraní Pe

¹⁷ Erei ñandeYa chemborɨ jare chemomɨrata, amombeu cavi vaera ñee icavi vae opaete vae pe, jare opaete judío mbae vae reta oendu vaera. Jocorai ñandeYa cherepɨ, metei cuimbae oyeepɨ yaguapope iyuru güi rami.

2 Timoteo 4:17 ပူးပေါင်းရင်းမြစ်များ

SALMOS 109:31

Echa jae oñeñono omborɨ vaerä paravete vae reta, oepɨ vaerä omboeko vae reta güi.

SALMOS 22:21

Chereroasayepe yaguapope iyuru güi, ¡jare chereepɨ toro pochɨ vae reta güi!

PROVERBIOS 20:2

Mburuvicha guasu iyarasɨ, yaguapope pochɨ yae vae iñee rami ko; mburuvicha guasu omboarasɨuka vae, jaeño ko oyapo iyeupe teko.

PROVERBIOS 28:15

Yaguapope oñee mbae oeka ani oso yɨmbɨaɨ yae oï vae rami, jökorai ko mburuvicha jupimbae oï metei tëta paravete vae juvicharä yave.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

DANIEL 6:27

Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

San Mateo 10:19

Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä.

San Lucas 1:1

Jeta vae omombeu ma oikuatía vae rupi, opaete mbaembae añete ete yandepɨte pe oyeapo vae regua.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Romanos 15:31

jae chereepɨ vaerä ipɨapochɨ vae reta Judea pe ñogüɨnoi vae güi, jare Jerusalén pegua oporogüɨrovia vae reta omboresive vaerä oyerovia reve kuae arajata chupe reta vae re;

2 Corintios 12:9

ërei yandeYa jei cheve körai: “Chepɨakavi oï nde ndive vae jaekavi ma ko. Echa chembaepuere oyekuaa ko ipɨ̈ratambae re.” Jáeramo, ayerovia reve ayembotuichata chepɨ̈ratambae re, Cristo imbaepuere oyekuaa vaerä cheré.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

1 Timoteo 1:12

Amee yasoropai yandeYa Cristo Jesús chemomɨ̈rata vae pe, omae cheré jupi ramo cheñono iparavɨkɨ pe,

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

Tito 1:3

Jare ara oväe yave oikuaauka iñee che amoërakua vae rupi. Tumpa Yandemboasa vae cheokuai vae rupi.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

1 SAMUEL 17:37

Jare jei ye David: —YandeYa chereepɨ yaguapope ipöape güi jare oso ipöape güi vae, jae etei vi chereepɨta kuae filisteo ipo güi. Jare Saúl jei David pe: —Ekua, jare yandeYa toï nde ndive.