2 Timoteo 4:10 - Biblia Guarani Tumpa Iñee

¹⁰ echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Nuevo Testamento Guaraní Pe

¹⁰ Demas ojo ma chegüi Tesalónica cotɨ, jae oaɨu yae mbaembae cuae ɨvɨ pegua rambue. Crescente vi ojo Galacia cotɨ, jare Tito ojo Dalmacia cotɨ.

2 Timoteo 4:10 ပူးပေါင်းရင်းမြစ်များ

San Mateo 12:32

Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

San Lucas 14:33

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

San Lucas 16:13

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Mbaetɨ pepuere peyeokuai Tumpa pe mbaeyekou peaɨu reve.

San Lucas 17:32

Pemaendúa Lot jembireko kërai oasa vae re.

Hechos 13:13

Jayave Pablo jare iñeïru reta yogüɨraja barco pe Pafos güi, yogüɨraja oväe tëta guasu Perge ɨvɨ Panfilia pegua pe. Ërei Juan oeya reta ye ojo Jerusalén kotɨ.

Hechos 15:38

Ërei Pablo pe mbaetɨ jaekavi güɨraja vaerä jae reta jupíe. Echa jae ou ye Panfilia güi chugüi reta, jare ojoä jae reta ndive Tumpa iparavɨkɨ oyapo vaerä.

Hechos 16:6

Pablo jare jae ndive ñogüɨnoi vae reta oasa ɨvɨ Frigia jare Galacia rupi yave, Espíritu Santo oyopia reta, agüɨye vaerä omoërakua Tumpa iñee Asia pe.

Hechos 17:1

Pablo jare Silas oasa yave tëta guasu Anfípolis jare Apolonia rupi, yogüɨraja oväe tëta guasu Tesalónica pe. Joko pe oï metei judío reta itupao.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 18:23

Jare mbovɨ ara joko pe oï güire, ojo omboapɨ opaete tëta reta Galacia jare Frigia rupi, omoäta ngatu reve opaete oporogüɨrovia vae reta.

2 Corintios 2:13

ërei chepɨakatúä etei aväeä yanderɨvɨ Tito joko pe ramo. Jáeramo che ayupavo jare aja ye chugüi reta Macedonia kotɨ.

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

2 Corintios 8:23

Tito jae ko cheïru jae oparavɨkɨ che ndive pomborɨ vaerä. Jókuae ïru orerɨvɨ reta, jae ko oporogüɨrovia vae reta omondo vae, jae reta ko omboete Cristo vae.

2 Corintios 8:6

Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

Gálatas 1:2

jare opaete yanderɨvɨ che ndive ñogüɨnoi vae reta roikuatía kuae tupapire opaete peporogüɨrovia vae reta Galacia pe peï vae pe.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

2 Timoteo 1:15

Reikuaa ma ko kërai opaete Asia pegua reta osɨrɨ chegüi. Kuae reta ipɨte pegua ko jae Figelo jare Hermógenes.

2 Timoteo 4:16

Tenonde oñeapo reta cheré yave, mbaetɨ etei chemborɨ kia ave, opaetei chereeya vae; agüɨye Tumpa tomboeko reta jese.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Filemón 1:24

Jare chemborɨ vae reta Marcos, Aristarco, Demas jare Lucas omondo ndeve tamaraeme.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;