2 Timoteo 3:8 - Biblia Guarani Tumpa Iñee

⁸ Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

Nuevo Testamento Guaraní Pe

⁸ Jare ipaye vae reta Janes jare Jambres jee vae oyovaicho Moisés ndive rami, jocuae nunga cuimbae reta vi oyovaicho añete vae ndive. Mbaeti ma ipuere oñemongueta cavi. Jae reta mbaeti co oporogüɨrovia vae añetete vae reta.

2 Timoteo 3:8 ပူးပေါင်းရင်းမြစ်များ

ÉXODO 7:11

Jayave Faraón oenɨi vi imbaekuaa vae reta jare ichoropa vae reta, kuae reta oyapo vi jökorai etei imbaekuaa rupi,

ÉXODO 7:22

Ërei Egipto pegua imbaekuaa vae reta jökorai etei vi oyapo reta imbaekuaa rupi, jare Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 8:18

Jare imbaekuaa vae reta jökorai vi oyapo tëi, imbaekuaa rupi oyapo vaerä kɨ́; ërei mbaetɨ ipuere oyapo reta. Jare ikɨ opaete kuimbae reta jare opaete mɨmba reta.

ÉXODO 8:7

Jare imbaekuaa vae reta oyapo vi jökorai imbaekuaa rupi, omboyekuaa reta vi jeta pïte opaete ɨvɨ Egipto rupi.

Hechos 15:24

Jërakua oreve kërai amogüe orepɨte güi yogüɨraja pemoambeko, ore mbaetɨ royókuai reve. Jae reta pembojopa, echa peokuai peyembocircuncidauka vaerä jare peyapo vaerä Moisés iporookuai pe jei vae.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

1 Timoteo 1:19

reñemomɨ̈rata reve ndeporogüɨrovia re, ndeyemongeta kavi reve. Echa amogüe vae oyapo agüɨyeta tëi oyapo vae. Jáeramo, ogüɨapi iporogüɨrovia pe,

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

2 Timoteo 4:15

Nde vi eñemoata chugüi, echa jae oyovaicho yae yande ndive, ñamoërakua vae re.

Tito 1:10

Echa oimeño jeta iñeereendumbae reta, osirivembae re imiari jare oporombotavɨ vae reta; kuae ko jae judío reta.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

Apocalipsis 2:6

Ërei chemboyerovia vae jae ko reröɨro nicolaíta reta oyapogüe, jókuae che aröɨro vi.