2 Timoteo 3:5 - Biblia Guarani Tumpa Iñee

⁵ jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

Nuevo Testamento Guaraní Pe

⁵ Oyapota mbaembae iru vae reta oñemongueta vaera tei jese jae reta oyeócuai co Tumpa pe. Erei ngaraa güɨnoi Tumpa imbaepuere. Agüɨye eñemoiru jocuae nunga ndive.

2 Timoteo 3:5 ပူးပေါင်းရင်းမြစ်များ

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

2 Tesalonicenses 3:14

Jare kia nunga vae mbaetɨ oyapo kuae roikuatía vae pe jei vae yave, pemae kavi jese, agüɨye peñemoïru jae ndive, imara vaerä.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

1 Timoteo 5:8

Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

2 Timoteo 2:16

Ërei agüɨye eyeapɨsaka ikavimbae ñee osirivembae reta re, echa jókuae ñee reta jeiete oporogüɨrajata ikavimbae kotɨ.

2 Timoteo 2:23

Ërei eröɨro yoaka osirivembae, echa jókuae nunga reta güeru ñoraro.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Tito 3:10

Oime yave kia oporomboyaouka vae, ere chupe metei ani mókoi vese agüɨye vaerä oyapo jökorai. Ërei oipotaä yave oeya jeko, emoë oporogüɨrovia vae reta ipɨte güi,