2 Timoteo 3:2 - Biblia Guarani Tumpa Iñee

² Echa oimeta jaeiño oyeaɨu vae reta, ikorepoti potarai vae reta, oyembotuicha vae reta, ipɨarai vae reta, jei ikavimbae Tumpa kotɨ vae reta, iñeereendúä tu reta kotɨ vae, omeembae yasoropai vae reta, jupimbae vae reta,

Nuevo Testamento Guaraní Pe

² Oporogüɨrovia mbae vae reta jae aeño oyeaɨuta. Oipota yaeta corepoti. Imiari yaeta jae reta oyapo vae re. Oñemboeteta. Jeita icavi mbae vae Tumpa cotɨ. Ngaraa oyapo tu jare ichɨ jeigüe. Ngaraa omee yasoropai mbae re. Ngaraa oyeócuai Tumpa pe.

2 Timoteo 3:2 ပူးပေါင်းရင်းမြစ်များ

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 49:6

Imbaembae reño oyeko vae reta, jare jeta yae imbaeyekou re oyemboete vae reta,

SALMOS 52:1

¿Maera pa reyembotuicha ndereko kavimbae re, nde imbaepuere yae vae? ¡Tumpa iporoaɨu opambae ko!

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

ISAÍAS 10:15

¿Ipuere pa yɨɨ oyererovia katu, pɨpe ombaeasɨa oï vae güi?, ani ¿siera oyererovia katu imomɨia güi? Popoka ɨvɨra peguaño vae, ¿ipuere pa jae oupi iya?

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

San Mateo 15:6

Jökorai mbaetɨ omboete tu jare ichɨ. Jökorai pe reta pemboeteä Tumpa iporookuai peñemuñagüe reta jeko peyapo vae rupi.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

Hechos 5:36

Echa karamboe yave oyekuaa Teudas jee vae, jare oyereroviauka ïru vae reta pe. Jare cuatrociento rupi kuimbae reta oñemoïru jae ndive. Ërei jae oyeyukauka yave, opaete jae ndive ñogüɨnoi vae reta opa oñemoai moai, jare opa okañɨ.

Romanos 11:18

Ërei agüɨye eyembotuicha yae judío reta güi, echa reyembotuicha yave, nemaendúa jäka reta reä ko oikove japo reta. Japo reta ko omee tekove jäka reta pe.

2 Corintios 5:15

Omano opaete vae re, oikoveño vae reta agüɨye vaerä ma yogüɨreko iyeupeguarä aeño, jaeño yogüɨreko vaerä jókuae omano jare oikove ye jese reta vae peguarä.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

1 Timoteo 1:20

körai oasa Himeneo jare Alejandro. Jáeramo amboeterenga Satanás ipo pe, oikuaa vaerä agüɨye mo jei ikavimbae vae Tumpa kotɨ.

1 Timoteo 1:9

Echa yaikuaa mborookuai oyeapoä ko mbaepuere güɨnoi vaerä jupi vae reta re, jaeño oyeapo mborookuai oyavɨ vae reta re, jare iñeereendumbae reta peguarä, jupimbae reta jare iyoa vae reta peguarä, Tumpa omboetembae reta peguarä, tu oyuka jare ichɨ oyuka vae reta peguarä jare oporoyuka vae reta peguarä,

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

1 Timoteo 6:4

jókuae nunga oyembotuicha ko, jare mbaetɨ etei ko oikuaa mbae ave, oyoaka apoño. Joko güi oë pɨakatúä, ñeapose, ñee ikavimbae Tumpa kotɨ, jare mborogüɨrovia katúä.

2 Timoteo 3:4

ombotavɨ japicha reta, oyapota mbaembae ipɨa pe oyemongetambae reve vae, ipɨaño omboete vae reta, ipɨa jemimbotaño oaɨu reta Tumpa güi vae,

Santiago 2:8

Peyapo yave jupi rupi mborookuai añetete vae, Tumpa Iñee pe jei rami, körai: “Eaɨu nderapicha nde reyeaɨu rami.” Peyapo ko ikavi vae.

Santiago 4:16

Ërei ngatu jökorai pere vaerägüe, peyemboete pepɨarai reño. Opaete jókuae nunga yemboete, ikavimbae ko.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

2 Pedro 2:12

Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 16:21

Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.