2 Timoteo 3:10 - Biblia Guarani Tumpa Iñee

¹⁰ Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;

Nuevo Testamento Guaraní Pe

¹⁰ Erei nde reicuaa catu co cheporomboe, jare quirai che aico, jare aipota ayapo Tumpa pe vae, jare cheporogüɨrovia, jare quirai chepɨaguasu aiporara reve, jare cheporoaɨu,

2 Timoteo 3:10 ပူးပေါင်းရင်းမြစ်များ

DANIEL 1:8

Ërei Daniel oñono ipɨa pe agüɨye vaerä oyemongɨa Tumpa jóvai jókuae tembíu mburuvicha guasu jembíu güi oyeekɨ vae pe jare vino jae jou vae pe; jáeramo oiporu eunuco reta juvicha pe agüɨye vaerä omoñera etei jou vaerä.

San Lucas 1:3

Jáeramo jaekavi cheve, che vi aikuatía vaerä ndeve, mburuvicha Teófilo, amombeu vaerä ndeve kërai opaete oyeapo. Echa che aikuaa kavi opaete iyɨpɨ güive oasa vae.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hechos 20:18

Jae reta yogüeru oväe Pablo oïa pe yave, jei chupe reta: “Pe reta peikuaa katu ko kërai aiko pe reta ndive tenonde ete Asia pe ayu ɨpɨ güive.

Hechos 26:4

Chetaɨrusu güive aiko cherëtara reta ndive Jerusalén pe, jare judío reta oikuaa katu kërai aiko.

Romanos 16:17

Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

2 Corintios 1:17

Jare ayemongeta yave jökorai ayapo vaerä, mbaetɨ ayemongetaiño jese. Echa ayemongeta yave mbae ayapo vaerä, mbaetɨ etei ayemongeta cheremimbota rupiño. Che mbaetɨ ko jae jaeiño.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Filipenses 2:20

Echa mbaetɨ yé ko kia oyemongeta jare oyemoambeko peré che ndive vae.

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

1 Tesalonicenses 1:5

Echa ñee ikavi vae romombeu peve yave mbaetɨ romombeu peve ñee rupiño, Espíritu Santo imbaepuere rupi ko jare roikuaa kavi añetete ko ñee ikavi vae. Jare peikuaa kavi kërai rojo pepɨte pe, mboroaɨu reve.

1 Timoteo 1:3

Repɨta Efeso pe, Macedonia kotɨ aja yave che jae ndeve rami, reyopia vaerä amogüe vae agüɨye vaerä oporomboe ambuae mboromboe re,

1 Timoteo 4:6

Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!