2 Timoteo 3:1 - Biblia Guarani Tumpa Iñee

¹ Aipota vi reikuaa kavi kuae: Ara taɨkuegua reta pe, mbaetɨ eteita ikavi teko reta.

Nuevo Testamento Guaraní Pe

¹ Eicuaa catu cuae vi: Ara taɨcuega reta pe yavai yaeta co yaico cavi vaera.

2 Timoteo 3:1 ပူးပေါင်းရင်းမြစ်များ

GÉNESIS 49:1

Jacob oenɨi taɨ reta, jare jei: “Peya katu cheré, amombeuta peve mbae oikota kuri pe reta ndive vae:

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

JEREMÍAS 48:47

Ërei metei ara, Moab aru yeta kuri iɨvɨ pe tembipɨɨrä oikoa güi. Che ndeYa ko jae kuae.” Jae kuae Tumpa iporojäa oiko vaerä Moab ndive.

JEREMÍAS 49:39

Ërei metei ara, Elam pegua reta aru yeta iɨvɨ pe tembipɨɨrä yogüɨrekoa güi. Che ndeYa ko jae kuae.”

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

Judas 1:17

Ërei pe cherɨvɨ aaɨu vae reta, pemaendúa yandeYa Jesucristo jemimondo reta omombeu peve vae re,

Judas 1:18

echa jae reta jei yepi peve: “Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño vae yogüɨreko vae reta.”