2 Timoteo 2:7 - Biblia Guarani Tumpa Iñee

⁷ Jekuaeño ndepɨa pe eyemongeta che jae ndeve vae re. Jare yandeYa tomee ndeve arakuaa reikuaa kavi vaerä opaete.

Nuevo Testamento Guaraní Pe

⁷ Jecuaeño eñemongueta che jae ndeve vae re. Jare ñandeYa tomee ndeve aracuaa reicuaa cavi vaera opaete.

2 Timoteo 2:7 ပူးပေါင်းရင်းမြစ်များ

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

SALMOS 119:125

Nderembiokuai ko che, emee cheve arakuaa katu, aikuaa vaerä ndeporookuai reta.

SALMOS 119:144

Ndeporookuai reta jupi avei ko, ¡arakuaa katu emee cheve, aikove aiko vaerä!

SALMOS 119:73

Nde etei ko cheapo; ¡eikuaauka kavi cheve ndeporookuai reta!

SALMOS 64:9

Jayave opaete kuimbae reta oipoɨuta, oikuaa retata Tumpa oyapogüe, jare omoërakua retata.

PROVERBIOS 24:32

Kuae aecha yave opɨta chepɨa pe, aecha yave opɨta metei yemboe rami cheve, jae ko:

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 28:26

Echa Tumpa ko omboe kavi kërai oyapo vaerä.

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

San Lucas 9:44

—Peyeapɨsaka kavi kuae jaeta peve vae re. Echa che Kuimbaerä ayeapo vae chemeeta cherovaicho reta ipo pe vae.

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

San Juan 16:13

Ërei Espíritu añetete pegua ou ma yave, oikuaauka kavita peve añete vae. Echa ngaraa imiari iyeugüi aeño, imiarita opaete oendugüe re jare oikuaaukata peve opaete mbaembae outa vae re.

Hechos 7:10

jare oepɨ opaete tembiporara reta güi. Jare jae omee chupe mbɨakavi jare arakuaa mburuvicha guasu Egipto pegua Faraón jóvai. Jáeramo Faraón oyapo mburuvicharä, opaete Egipto pegua reta re jare Faraón jo re.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

1 Timoteo 4:15

Eyemoambeko avei kuae mbaembae reta re, agüɨye eeya, oyekuaa vaerä opaete vae pe ikavi yae ko jókuae reyemboe vae.

2 Timoteo 2:6

Oparavɨkɨ vae mbaetɨ oparavɨkɨ yave, ngaraa mbae oarɨvo.

2 Timoteo 2:8

Nemaendúa Jesucristo, David iñemuña pegua re, kërai jae oikove ye omanogüe reta ipɨte güi, ñee ikavi vae amoërakua rami.

Hebreos 12:3

Peyemongeta Jesús re, kërai iyoa vae reta ikavimbae vae jei yave ikotɨ, oiporara yae, agüɨye vaerä pepɨtu pegüɨapi regua.

Hebreos 13:7

Pemaendúa oyangareko peré vae reta omombeu Tumpa iñee peve vae re. Pemae kërai yogüɨreko vae re jare pemomoe jae reta iporogüɨrovia.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 7:4

Mase, pemae kërai tuichagüe yae ko Melquisedec, echa ñaneñemuñagüe Abraham etei omee chupe payandepo güi metei opaete mbaembae opɨ̈rogüe güi.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.